பி15 உயிரி எரிபொருள் உற்பத்தி ஜூன் 1 முதல் தொடங்குகிறது: துணைப் பிரதமர் ஜாஹித் ஹமிடி

புத்ராஜெயா: 

நாட்டில் டீசல் விலையைக் குறைக்க உதவும் வகையில், பி15 உயிரி எரிபொருள், 19 உரிமம் பெற்ற உற்பத்தி ஆலைகள் மூலம், இந்த ஜூன் 1 முதல் உற்பத்தி செய்யப்படும் என்று அரசாங்கம் முடிவு செய்துள்ளது.

துணைப் பிரதமர் டத்தோஸ்ரீ டாக்டர் அஹ்மத் ஜாஹித் ஹமிடி, உயிரி எரிபொருள் உற்பத்தி கட்டமாக மேற்கொள்ளப்படும். பி15 உடன் தொடங்கி, பின்னர் பி20 ஆக உயர்த்தப்படும், மேலும் அடுத்த இரண்டு முதல் மூன்று ஆண்டுகளில் பி50 ஐ அடையும் ஆற்றல் கொண்டது என்று தெரிவிக்கப்பட்டுள்ளது.

"மூல செம்பனை எண்ணெய் விலை உயிரி எரிபொருள் உற்பத்திச் செலவில் அழுத்தத்தை ஏற்படுத்தாமல் இருப்பதை உறுதி செய்வதற்காக, இந்த அணுகுமுறை கட்டமாகச் செயல்படுத்தப்படுகிறது" என்று அவர் திங்கட்கிழமை இங்கு நடைபெற்ற ஊரக, பிராந்திய மேம்பாட்டு அமைச்சகத்தின் (KKDW) மே மாதக் கூட்ட விழாவில் கூறினார்.

ஊரக, பிராந்திய மேம்பாட்டு அமைச்சருமான அஹ்மத் ஜாஹித், செம்பனை எண்ணெய் அடிப்படையிலான உயிரி எரிபொருள், நாட்டின் எரிசக்தி நிகழ்ச்சியை நிறைவேற்றுவது மட்டுமல்லாமல், ஊரக பொருளாதாரத்திற்கு ஒரு புதிய ஊக்கியாக மாறும் ஆற்றலைக் கொண்டிருப்பதாகத் தெரிவித்தார்.

"இது, நாட்டின் பொருட்களின் வலிமையை, ஊரக பொருளாதாரத்தின் எதிர்காலத்துடன் இணைக்கும் வாய்ப்பைக் கொண்டுள்ளது.

"ஃபெல்க்ரா, மத்திய திரங்கானு மேம்பாட்டு வாரியம், தெற்கு கிளாந்தான் மேம்பாட்டு வாரியம் ஆகியவை இந்த ஆற்றலை தீவிரமாகக் கருத வேண்டும்" என்றார் அவர்.

-சங்கீர்த்தனா