ஜொகூர் மாநிலத்தை ஆள்வதில் தேசிய முன்னணி தோல்வியடைந்து விட்டதா?; அரசியல் நோக்கம் கொண்ட குற்றச்சாட்டு: மோகன்

ஜொகூர்பாரு:

ஜொகூர் மாநிலத்தை ஆள்வதில் தேசிய முன்னணி தோல்வியடைந்து விட்டது என்பது அரசியல் நோக்கம் கொண்ட குற்றச்சாட்டாகும்.

ஜொகூர் மாநில இளைஞர் பிரிவுத் தலைவரும் கெம்பாஸ் இந்திய சமூகத் தலைவருமான மோகன் அருணாச்சலம் கூறினார்.

ஜொகூர் மாநிலத்தின் பொருளாதார நிலையைப் புரிந்து கொள்ளவில்லை என்பது ஒருவேளை வேண்டுமென்றே அதை மறுக்கப்படுகிறது என்பதை காட்டுகிறது.

உண்மையில் நம்பிக்கை கூட்டணியின் தலைவராக இருக்கும் பிரதமரே, டத்தோ ஒன் ஹபீஸ் காஸியின் நிர்வாகத்தின் கீழ் ஜொகூர் மாநில பொருளாதாரம் நேர்மறையான வளர்ச்சியைக் காட்டுகிறது என்பதை ஒப்புக்கொண்டுள்ளார்.

இருப்பினும், தவறான தகவல்களை தொடர்ந்து பரப்பும் கட்சிகளும் இன்னும் இருக்கின்றன.

நீங்கள் அரசியல் செய்ய விரும்பினால், உண்மையை மறைக்காமல், உண்மைகளின் அடிப்படையில் அதை செய்யுங்கள்.

வாழ்க்கைச் செலவினப் பிரச்சினையை குறுகிய கண்ணோட்டத்தில் பார்க்க முடியாது.

பொருட்களின் விலை உயர்வு பெரும்பாலும் எரிபொருள் விலை, உலகப் பொருளாதார அழுத்தத்தால் பாதிக்கப்படுகிறது.

இந்த விவகாரம் மத்திய அரசின் அதிகார வரம்பிற்கு உட்பட்டது. ஜொகூர் மாநில அரசின் அதிகார வரம்பிற்கு அல்ல.

பொறுப்பை மற்ற கட்சிகள் மீது சுமத்த முயற்சிக்காதீர்கள்.

உண்மையில் ஜொகூர் மாநில அரசு உள்கட்டமைப்பு மேம்பாடு, மக்களுக்கு உதவுதல், பொருளாதார வாய்ப்புகளை உருவாக்குதல் ஆகிய தனது பொறுப்புகளைத் தொடர்ந்து சீராக நிறைவேற்றி வருகிறது.

ஆக ஜொகூர் மக்களை அவ்வளவு எளிதில் ஏமாற்ற முடியாது.

அவர்களால் உண்மைக்கும் பிரச்சாரத்திற்கும் இடையில் வேறுபடுத்தி அறிய முடியும் என்று மோகன் கூறினார்.

- பார்த்திபன் நாகராஜன்