உலகக் கிண்ண போட்டிக்கு பின்வாசல் வழியாகச் செல்வது பொருத்தமானதல்ல: இத்தாலி

ரோம்:

ஒரு அமெரிக்க உயர் அதிகாரி முன்வைத்த பரிந்துரையைத் தொடர்ந்து, 2026 பிபா உலகக் கிண்ண போட்டிக்கு ஈரானுக்குப் பதிலாக இத்தாலி பங்கேற்பது பொருத்தமற்றது.

இத்தாலி விளையாட்டு அதிகாரிகள் இதனை வலியுறுத்தியுள்ளனர்.

இந்த யோசனையை அமெரிக்க அதிபர் டொனால்ட் டிரம்ப், பிபா தலைவர் கியானி இன்ஃபான்டினோ ஆகியோரிடம் தெரிவித்ததாக பாலோ ஸாம்போலி டைம்ஸ் பத்திரிகையிடம் கூறியதாகத் தெரிவிக்கப்பட்டுள்ளது.

கடந்த பிப்ரவரி மாத இறுதியில் அமெரிக்காவும் இஸ்ரேலும் ஈரான் மீது வான்வழித் தாக்குதல்களை நடத்தியதைத் தொடர்ந்து, இந்தப் போட்டியில் ஈரானின் இடம் கேள்விக்குறியாகியுள்ளது.

ஈரானின் பங்கேற்பு குறித்து டிரம்ப் இதற்கு முன்னர் முரண்பட்ட கருத்துக்களைத் தெரிவித்திருந்தார்.

அவர்கள் வரவேற்கப்படுகிறார்கள் என்று கூறியபோதிலும், அணியின் பாதுகாப்பு குறித்த கவலைகளையும் அவர் வெளிப்படுத்தியிருந்தார்.

நான்கு முறை உலக சாம்பியனான இத்தாலி, 48 அணிகள் கொண்ட போட்டிக்குத் தகுதி பெறத் தவறியதுடன், 2014-ஆம் ஆண்டுக்குப் பிறகு உலகக் கிண்ண போட்டியில் விளையாடவில்லை.

பின்வாசல் வழியாக உலகக் கிண்ண போட்டிக்கு திரும்புவது என்ற யோசனையை இத்தாலி விளையாட்டுத்துறை அமைச்சர் ஆண்ட்ரியா அபோடி கடுமையாக நிராகரித்துள்ளார்.

- பார்த்திபன் நாகராஜன்