ஏற்கனவே பயன்படுத்தப்பட்ட booster-ஐக் கொண்டு ராக்கெட்டைப்  பாய்ச்சும் Blue Origin

நியூயார்க்: 

அமெரிக்கத் தனியார் விண்வெளி நிறுவனம் ஏற்கனவே பயன்படுத்தப்பட்ட தூண்டுகருவியை (Booster) வைத்து அதன்  பிரமாண்டமான நியூ கிளென் (New Glenn) ராக்கெட்டைப் பாய்ச்சவுள்ளது.

ஜெஃப் பெஸொஸின் (Jeff Bezos) Blue Origin நிறுவனம் முதன்முறையாக இந்த முயற்சியில் இறங்குகிறது.

இலோன் மஸ்க்கின் (Elon Musk) SpaceX நிறுவனத்துடன் கடும் போட்டி நிலவும் வேளையில் Blue Origin இந்தப் புதிய அணுகுமுறையைக் கையாள்கிறது.

சுமார் 100 மீட்டர் உயரமுள்ள நியூ கிளென் உந்துகணையில் இதுவரை புதிய தூண்டுகருவி மட்டுமே பயன்படுத்தப்பட்டுள்ளது.

ஏஎஸ்டி ஸ்பேஸ்மொபைல் (AST SpaceMobile) நிறுவனத்தின் தகவல் தொடர்புச் செயற்கைக்கோளை அது ஏந்திச்செல்லும்.

இந்த முயற்சி வெற்றிபெற்றால்:

* புளூ ஒரிஜின் நிறுவனத்தின் புதிய தூண்டுகருவிக்கான செலவுகளைக் குறைக்கும்

* பாய்ச்சப்படும் வேகம் அதிகரிக்கும்

புளோரிடாவின் ((Florida)  கெனவரல் முனையிலிருந்து(Cape Canaveral) ஏவப்படவுள்ளது உந்துகணை.

கடந்த நவம்பரில், புளூ ஒரிஜின் நிறுவனம் முதன்முறையாக நியூ கிளென் தூண்டுகருவியை வெற்றிகரமாக மீட்டது.

2028ஆம் ஆண்டுக்குள் விண்வெளி வீரர்களை மீண்டும் நிலவுக்கு அனுப்பும் NASAவின் ஆர்ட்டெமிஸ் (Artemis) திட்டத்தில் பங்கெடுக்க Blue Origin, SpaceXஉடன் போட்டியிடுகிறது.

ஆதாரம்: AFP