ஏப்ரல் மாதத்திற்குள் அதிகரிக்கப்பட்ட 300 ரிங்கிட் டீசல் மானியத்தை அரசாங்கம் வழங்கும்

பெட்டாலிங் ஜெயா: 

இரண்டு பூடி மடானி திட்டங்களின் கீழ் ஏப்ரல் மாதத்திற்கு முன்பிருந்த RM200-லிருந்து அதிகரிக்கப்பட்ட RM300 டீசல் மானியத்தைப் பராமரிக்க அரசாங்கம் முடிவு செய்துள்ளது.

கூடுதல் RM100 மானியம் ஒரு இடைக்கால நடவடிக்கை என்றும், இது 3,40,000 பயனாளிகளுக்குப் பயன் அளிக்கும், அரசாங்கத்திற்கு சுமார் RM102 மில்லியன் செலவாகும் என்றும் நிதி அமைச்சகம் தெரிவித்தது.

RM300 ஏப்ரல் 8 முதல் பயனாளிகளின் கணக்குகளில் செலுத்தப்படும்.

மத்திய கிழக்கில் நடக்கும் யுத்தத்தால் கச்சா எண்ணெய் விலை உயர்ந்ததைத் தொடர்ந்து மலாய் தீபகற்பத்தில் டீசல் விலையைக் கருவூலம் உயர்த்திய பிறகு, பூடி இண்டிவிடு, பூடி அக்ரி-கொமோடிட்டி திட்டங்களின் கீழ் பணம் உதவி அளவை RM200-லிருந்து RM300 ஆக கடந்த மாதம் புத்ராஜெயா முதலில் உயர்த்தியது.

அதிகரிக்கப்பட்ட டீசல் மானியம், டீசல் பயனர்களை, குறிப்பாக தனிநபர்கள், வேளாண்-பொருட்கள் துறையினரை, உலக முன்னேற்றங்களின் முழு தாக்கத்திலிருந்து பாதுகாப்பதை நோக்கமாக கொண்டுள்ளது என்று நிதி அமைச்சகம் தெரிவித்தது.

மானிய அமைப்பு நிலையாக இருப்பதையும் மக்களுக்கு பயன் அளிப்பதையும் உறுதிப்படுத்த நடுத்தர, நீண்டகால நடவடிக்கைகளைக் கருத்தில் கொண்டிருப்பதாகவும் அமைச்சகம் மேலும் கூறியது.

"மே 2024-ல் அறிமுகப்படுத்தப்பட்டதிலிருந்து, பூடி டீசல் திட்டங்கள் RM1.12 பில்லியன் பணம் உதவி வழங்குவதன் மூலம் வாழ்க்கை செலவைக் குறைக்க உதவியுள்ளன.

"இந்த இலக்கு அணுகுமுறை உண்மையில் தேவையுள்ளவர்களுக்கு உதவி சென்றடைவதை உறுதிப்படுத்துவதுடன் தொடர்ந்து உலகளாவிய அழுத்தங்களுக்கு மத்தியில் நிதி ஒழுக்கத்தையும் பராமரிக்கிறது" என்று அறிக்கையில் தெரிவிக்கப்பட்டது.

-சங்கீர்த்தனா