தம்மிடம் ரூ.10 ஆயிரம் மட்​டுமே ரொக்​கம் உள்ளது; மனைவி துர்க்காவிடம் ரூ. 40,000 ரொக்கம் உள்ளது: ஸ்டாலின் வேட்புமனுவில் அறிவிப்பு

சென்னை: 

கையிருப்​பாக ரூ.10 ஆயிரம் மட்​டுமே ரொக்​கம் இருப்​ப​தாக​வும், ரூ.6.26 கோடிக்கு அசை​யும், அசையா சொத்​துகள் இருப்​ப​தாக​வும் வேட்​புமனு​வில் முதல்​வர் ஸ்டா​லின் தெரி​வித்​துள்​ளார்.

சென்னை கொளத்​தூரில் போட்​டி​யிடும் மு.க.ஸ்​டா​லின் நேற்று வேட்​புமனு தாக்​கல் செய்​தார். அத்​துடன் அவர் தாக்​கல் செய்​துள்ள பிர​மாணப்​பத்​திரத்​தில் குறிப்​பிட்​டுள்ள சொத்து விவரம்:

கடந்த ஆண்டு தனக்கு ரூ.30.59 லட்​ச​மும், மனைவி துர்கா​வுக்கு ரூ.5.33 லட்​ச​மும் வரு​மானம் கிடைத்​த​தாக வரு​மான வரி கணக்​கில் தெரி​வித்​துள்​ளார். 

தன்​னிடம் தற்​போது கையிருப்​பாக ரூ.10 ஆயிர​மும், மனைவி துர்​கா​விடம் ரூ.40 ஆயிர​மும் ரொக்​கம் உள்​ள​தாக குறிப்​பிட்​டுள்​ளார்.

தன்​னிடம் நகைகள் எது​வும் இல்​லை. மனைவி துர்​கா​விடம் 720 கிராம் நகைகள் உள்​ளன. இரு​வர் பெயரிலும் கார் உட்பட எந்த வாக​னங்​களும் இல்லை என்​றும் குறிப்​பிட்​டுள்​ளார். 

தனது பெயரில் ரூ.3.30 கோடி மதிப்​பிலான அசை​யும் சொத்​துகளும், மனைவி துர்கா பெயரில் ரூ.1.32 கோடி மதிப்​பிலான அசை​யும் சொத்​துகளும் என மொத்​தம் ரூ.4.62 கோடிக்கு அசை​யும் சொத்​துகள் உள்​ளன.

விவ​சாய நிலம், குடி​யிருப்பு கட்​டிடம் என முதல்​வர் ஸ்டா​லின் பெயரில், ரூ.2.96 கோடிக்​கும், மனைவி துர்கா பெயரில் ரூ.2.11 கோடிக்​கும் என ரூ.5.07 கோடி அசையா சொத்​துகள் உள்​ளன. 

மொத்​த​மாக, அசை​யும், அசையா சொத்​துகள் என ரூ.9.69 கோடி சொத்​துகள் உள்​ளன. தனக்​கும், தனது மனவைிக்​கும் கடன்​கள் இல்​லை. வழக்​கு​கள் ஏதும் இல்லை எனவும்​ அவர்​ தெரி​வித்​துள்​ளார்​.

- ஆர்யன்