அதிக விளைச்சலால் தக்காளி விலை சரிவு: விவசாயிகள் பாதிப்பு

நெல்லை:

நெல்லை மாவட்டத்தில் சமீப காலமாக தக்காளி விளைச்சல் கணிசமாக அதிகரித்துள்ளது. இதனால் சந்தையில் தக்காளி உள்வரவு அதிகரித்து, விலை மிகவும் குறைந்துள்ளது. சில வாரங்களுக்கு முன் உயர்ந்த விலையில் விற்கப்பட்ட தக்காளி, தற்போது பொதுமக்களுக்கு மலிவான விலையில் கிடைக்கிறது.

குறிப்பாக, விவசாயிகள் அதிக அளவில் அறுவடை செய்ததால் சந்தைகளில் குவிந்துள்ள தக்காளி, கிலோ ரூ.10 வரை சரிந்துள்ளது. விலை சரிவால் நுகர்வோர் மகிழ்ச்சி அடைந்தாலும், விவசாயிகள் கவலையுடன் உள்ளனர். உற்பத்தி செலவை கூட ஈடு செய்ய முடியாத நிலை ஏற்பட்டுள்ளதாக அவர்கள் தெரிவிக்கின்றனர்.

இந்த நிலை நீடித்தால், அடுத்த கட்டத்தில் விவசாயிகள் தக்காளி பயிரிடுவதை குறைக்கும் வாய்ப்பும் உள்ளது. எனவே, அரசு தக்காளி விலையை நிலைநிறுத்த நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

-கிரித்திக்கா