லண்டலில் பரபரப்பு: யூத வழிபாட்டுத் தலம் அருகே தீவைப்புச் சம்பவம்

லண்டன்:

லண்டனின் வடக்குப்பகுதியில் உள்ள ஹைஃபீல்ட் நீதிமன்றம் (Highfield Court) பகுதியில், யூத வழிபாட்டுத் தலத்திற்கு அருகே நிறுத்தப்பட்டிருந்த நான்கு ஆம்புலன்ஸ்கள் மர்ம நபர்களால் தீயிட்டுக் கொளுத்தப்பட்டுள்ளன. 

இன்று அதிகாலை சுமார் 1:40 மணியளவில் நிகழ்ந்த இந்தச் சம்பவத்தில், ஆம்புலன்ஸ்களில் இருந்த எரிவாயு உருளைகள் வெடித்துச் சிதறியதால் பெரும் பரபரப்பு ஏற்பட்டது. சுமார் 40 தீயணைப்பு வீரர்கள் விரைந்து வந்து தீயைக் கட்டுக்குள் கொண்டு வந்தனர்.

இந்தக் கொடூரச் செயலுக்கு 'ஹரகத் அஷாப் அல்-யாமின் அல்-இஸ்லாமியா' (HAYI) எனும் அமைப்பு பொறுப்பேற்றுள்ளது. ஈரான் ஆதரவு பெற்ற இந்த அமைப்பு, இதே போன்ற தாக்குதல்களை இந்த மாத தொடக்கத்தில் பெல்ஜியம், நெதர்லாந்து நாடுகளிலும் நடத்தியதாகத் தெரிவித்துள்ளது.

பிரிட்டன் பிரதமர் கீர் ஸ்டார்மர் இச்சம்பவத்தை "மிகவும் அதிர்ச்சியளிக்கும் வன்முறைத் தாக்குதல்" என வன்மையாகக் கண்டித்துள்ளார்.

இதனைத் தொடர்ந்து, லண்டன் மாநகரக் காவல்துறைத் தலைவர் மார்க் ரவுலி, யூத சமூகத்தினரின் பாதுகாப்பை உறுதி செய்ய 250-க்கும் மேற்பட்ட கூடுதல் காவலர்களைப் பாதுகாப்புப் பணியில் ஈடுபடுத்தியுள்ளார். 

மேலும், ஆயுதம் ஏந்திய ரோந்துப் பணிகளும் தீவிரப்படுத்தப்பட்டுள்ளன. இச்சம்பவம் குறித்துத் தீவிர விசாரணை நடைபெற்று வரும் வேளையில், பொதுமக்களிடையே ஏற்பட்டுள்ள அச்சத்தைப் போக்கப் பாதுகாப்பு நடவடிக்கைகள் பலப்படுத்தப்பட்டுள்ளன.

-கிரித்திக்கா