இந்து மக்கள் தொகையை விட அனுமதியின்றி கட்டப்பட்ட ஆலயங்களின் எண்ணிக்கை அதிகம்: சிலாங்கூர் சுல்தான்

ஷாஆலம்:

சிலாங்கூரில் இந்து மக்கள் தொகையை விட அனுமதியின்றி கட்டப்பட்டுள்ள ஆலயங்களின் எண்ணிக்கை அதிகம்.

சிலாங்கூர் சுல்தான், சுல்தான் ஷராபுடின் இட்ரிஸ் ஷா அல்ஹாஜ் இதை தெரிவித்ததாக அவரின் தனிச் செயலாளர் டத்தோ முகமது முனீர் பானி கூறினார்.

அனுமதியின்றி ஆலயங்கள் கட்டும் பிரச்சினை அனைத்து தரப்பினருக்கும் நீண்ட காலமாக கவலையை ஏற்படுத்தி வருவதால், அதை நிறுத்தி இறுதி செய்ய முடியும்.

சிலாங்கூரில் அனுமதியின்றி கட்டப்பட்ட இந்து ஆலயங்களின் எண்ணிக்கை மிக அதிகமாக உள்ளது.

இது மாநிலத்தில் உள்ள இந்திய, இந்து சமூகத்தின் மக்கள் தொகையை விட அதிகமாக உள்ளது.

சிலாங்கூரில் அனுமதியின்றி கட்டப்பட்ட இந்து ஆலயங்களின் புள்ளி விவரங்கள் குறித்து மாநில சுல்தானுக்கு தெரிவித்ததை அடுத்து அவர் இதனை கூறினார்.

2026 ஜனவரி 31 நிலவரப்படி இந்த எண்ணிக்கை 687ஆக உள்ளது.

இதில் அரசாங்கத்திற்குச் சொந்தமான நிலத்தில் கட்டப்பட்ட 388 கோயில்களும், தனியார் நிலத்தில் கட்டப்பட்ட 299 கோயில்களும் அடங்கும்.

அதே நேரத்தில் சிலாங்கூரில் இந்திய இந்துக்களின் மக்கள் தொகை சுமார் 11.3 சதவீதம் மட்டுமே.

இந்த எண்ணிக்கை சிலாங்கூரில் சட்டப்பூர்வமாக கட்டப்பட்ட கோயில்களை கணக்கில் எடுத்துக் கொள்ளவில்லை.

அரசு, தனியார் நிலங்களில் அனுமதியின்றி வழிபாட்டுத் தலங்கள் கட்டப்படுவதை தொடர்ந்து கண்காணிக்கவும், அவற்றை முடிவு கட்டுப்படுத்தவும் அதிகாரிகளுக்கு சுல்தான் நினைவூட்டியதாக முகமட் முனீர் கூறினார்.

- பார்த்திபன் நாகராஜன்