இங்கிலாந்து பிரிமியர் லீக்: லிவர்பூல் சமநிலை

லண்டன்:

இங்கிலாந்து பிரிமியர் லீக் கால்பந்து போட்டியில் லிவர்பூல், மென்செஸ்டர் சிட்டி அணிகள் சமநிலை கண்டன.

அன்பீல்டு அரங்கில் நடைபெற்ற ஆட்டத்தில் லிவர்பூல் அணியினர் லீட்ஸ் யுனைடெட் அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் லிவர்பூல் அணியினர் கோல் எதுவும் அடிக்காமல் லீட்ஸ் யுனைடெட் அணியுடன் சமநிலை கண்டனர்.

மற்றொரு ஆட்டத்தில் மென்செஸ்டர் சிட்டி அணியினர் கோல் எதுவும் அடிக்காமல் சண்டர்லேண்ட் அணியுடன் சமநிலை கண்டனர்.

டோட்டன்ஹாம் அணியினர் கோல் எதுவும் அடிக்காமல் பிரின்போர்ட் அணியுடன் சமநிலை கண்டனர்.

கிறிஸ்டல் பேலஸ் அணியினர் 1-1 என்ற கோல் கணக்கில் புல்ஹாம் அணியுடன் சமநிலை கண்டனர்.

- பார்த்திபன் நாகராஜன்