இங்கிலாந்து பிரிமியர் லீக்: அர்செனல் அபாரம்

லண்டன்:

இங்கிலாந்து பிரிமியர் லீக் கால்பந்து போட்டியில் அர்செனல் அணியினர் அபார வெற்றியை பதிவு செய்தனர்.

எமிரேட்ஸ் அரங்கில் நடைபெற்ற ஆட்டத்தில் அர்செனல் அணியினர் அஸ்டன் வில்லா அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அர்செனல் அணியினர் 4-1 என்ற கோல் கணக்கில் அஸ்டன் வில்லா அணியை வீழ்த்தி வெற்றி பெற்றனர்.

அர்செனல் அணியின் வெற்றி கோல்களை கேப்ரியல் மாகல்ஹேஸ், மார்ட்டின் ஜூபிமெண்டி, லியான்ட்ரோ ட்ராசார்ட், கேப்ரியல் ஜீசஸ் ஆகியோர் அடித்தனர்.

மற்றொரு ஆட்டத்தில் மென்செஸ்டர் யுனைடெட் அணியினர் 1-1 என்ற கோல் கணக்கில் வோல்வேர்ஹாம்டன் அணியுடன் சமநிலை கண்டனர்.

செல்சி அணியினர் 2-2 என்ற கோல் கணக்கில் ஏஎப்சி போர்னமௌத் அணியுடன் சமநிலை கண்டனர்.

- பார்த்திபன் நாகராஜன்