இந்து சமயத்திற்கான திட்டவரைவு, ஆலயங்கள் உடைக்கப்படுவது உட்பட பல்வேறு பிரச்சினைகள் துணையமைச்சரின் கவனத்திற்கு கொண்டு செல்லப்பட்டது: டத்தோ சிவக்குமார்

பத்துமலை:

இந்து சமயத்திற்கான திட்டவரைவு, ஆலயங்கள் உடைக்கப்படுவது உட்பட பல்வேறு பிரச்சினைகள் ஒருமைப்பாட்டுத் துறை துணையமைச்சர் யுனேஸ்வரனின் கவனத்திற்கு கொண்டு செல்லப்பட்டது.

மஹிமா தலைவர் டத்தோ ந. சிவக்குமார் இதனை கூறினார்.

தேசிய ஒருமைப்பாட்டு துறை துணையமைச்சராக யுனேஸ்வரன் பொறுப்பேற்று உள்ளார்.

இன்று காலை அவர் பத்துமலைக்கு சிறப்பு வருகை புரிந்தார். ஆலய வழிபாட்டிற்கு பின் அவருடன் சிறப்பு சந்திப்பு நடத்தப்பட்டது.

அப்போது ​​ஒற்றுமை, நல்லிணக்கம், இனங்களுக்கிடையேயான உறவுகளை வலுப்படுத்துதல் தொடர்பான பல முக்கியமான பிரச்சினைகளை அவரிடம் பேசினேன்.

குறிப்பாக சமூக மட்டத்தில் மிகவும் நிலையான, உள்ளடக்கிய ஒற்றுமை சுற்றுச்சூழல் அமைப்பை வலுப்படுத்தும் முயற்சிகளும் இதில் அடங்கும்.

மேலும் மஹிமா உறுப்பினர்களால் அமைச்சின் கவனத்திற்கும் பரிசீலனைக்கும் எழுப்பப்பட்ட வழிபாட்டுத் தலங்களை நிறுவுவது தொடர்பான பிரச்சினைகளையும் நான் முன்வைத்தேன்.

பராமரிப்பு, நலத்திட்டங்கள், சமூக மேம்பாட்டு நடவடிக்கைகளை மேற்கொள்ள ஆலயங்களின் நிதி நிலைகள் வலுவாக இருக்க வேண்டும்.

நிர்வாக சவால்கள், ஆலய  நிர்வாகத்தின் உள் பிரச்சினைகள், இதற்கு நிறுவன நல்லிணக்கத்தைப் பராமரிக்க ஒரு கட்டமைக்கப்பட்ட தீர்வு மாதிரி, மத்தியஸ்த அணுகுமுறை தேவைப்படுகிறது.

ஆலய நிறுவனங்களை அதிகாரமளிப்பதற்கான ஒரு திட்ட வரைவு அல்லது நீண்டகால செயல் திட்டத்தின் தேவை.

இதில் மாற்று நிதி உத்திகள், மேலாண்மை திறன் மேம்பாடு, இளைஞர் ஈடுபாடு ஆகியவை அடங்கும்.

ஆலயம் உடைப்படும் அபாயம்,  வழிகாட்டுதல்கள், ஆயத்த நடவடிக்கைகளை உருவாக்க வேண்டும்.

இந்து வழிபாட்டுத் தலங்கள் சம்பந்தப்பட்ட தற்போதைய பிரச்சினைகளுக்கு விழிப்புணர்வை ஏற்படுத்துதல், நிர்வாகத்தை வலுப்படுத்துதல், கூட்டுத் தீர்வுகளைக் கண்டறிதல் ஆகியவற்றிற்காக நாடு தழுவிய ஆலயங்களுக்கான மஹிமாவிம் சந்திப்புக்கும் முழு ஆதரவு வழங்கப்பட வேண்டும்.

இந்த விவாதம் நல்லிணக்கம்,  ஒன்றுபட்ட எதிர்காலத்திற்கான அதிக மூலோபாய முயற்சிகள் இனங்களுக்கிடையேயான ஒத்துழைப்புக்கு ஒரு ஊக்குவிப்பாக இருந்தது என டத்தோ சிவக்குமார் கூறினார்.

- பார்த்திபன் நாகராஜன்