இந்திய பெண் கொலை வழக்கில் 5ஆவது சந்தேக நபர் கைது; நவம்பர் 10 வரை தடுப்புக் காவல: போலிஸ்

செர்டாங்:

இந்திய பெண் கொலை வழக்கில் 5ஆவது சந்தேக நபர் கைது செய்யப்பட்டதுடன் அந்நபருக்கு நவம்பர் 10 வரை தடுப்புக் காவல் விதிக்கப்பட்டுள்ளது.

செர்டாங் மாவட்ட போலிஸ் தலைவர் முகமது ஃபாரித் அகமது இதனை தெரிவித்தார்.

சமீபத்தில், ஸ்ரீ கெம்பங்கனில் உள்ள புளூ வாட்டர் எஸ்டேட் ரவுண்டானா அருகே உள்ள ஒரு புதரில் நிர்வாணமாகவும், கைகள் கட்டப்பட்ட நிலையிலும் ஒரு  இந்திய பெண்ணின் உடல் கண்டெடுக்கப்பட்டது.

இந்த வழக்கில் மற்றொரு சந்தேக நபரை போலிசார் கைது செய்துள்ளனர்.

உள்ளூர் நபரை கைது செய்ததன் மூலம், வழக்கு விசாரணைக்கு உதவுவதற்காக கைது செய்யப்பட்டவர்களின் மொத்த எண்ணிக்கை ஐந்தாக உயர்ந்துள்ளது.

மேலும் விசாரணைகளுக்கு உதவுவதற்காக அந்த நபர் நவம்பர் 10 ஆம் தேதி வரை ஐந்து நாட்கள் காவலில் வைக்கப்பட்டுள்ளார்.

இதுவரை, பாதிக்கப்பட்டவரின் மரணத்திற்கான காரணம் குறித்த பிரேத பரிசோதனை முடிவுகள் இன்னும் பெறப்படவில்லை.

மேலும் சம்பவத்திற்கான காரணத்தை அடையாளம் காண மேலும் விசாரணைகள் நடத்தப்பட்டு வருகின்றன என்று அவர் கூறினார்.

- பார்த்திபன் நாகராஜன்