நான் ஒருபோதும் அம்னோவை விட்டு வெளியேறவில்லை; என்னை நீக்கியது அக்கட்சி தான்: கைரி

கோலாலம்பூர்:

நான் ஒருபோதும் அம்னோவை விட்டு வெளியேறவில்லை. மாறாக என்னை நீக்கியது அக்கட்சி தான்.

முன்னாள் சுகாதார அமைச்சர் கைரி ஜமாலுடின் சமூக ஊடக பதிவில் இதனை கூறினார்.

கைரி கட்சிக்குத் திரும்ப முடிவு செய்தால் அம்னோவில் அவர் உறுதியாக இருக்க வேண்டும் என்று சபா தேசிய முன்னணி தலைவர் டத்தோ பூங் மொக்தார் ராடின் கூறினார்.
குறிப்பாக எதிர்காலத்தில் அம்னோவுக்கு திரும்பினால் கைரி தொடர்ந்து கட்சியில் இருக்க வேண்டும்.

கட்சியில் சேர்ந்து விட்டு மீண்டும் வெளியேற வேண்டாம் என்று அவர் அறிவுறுத்தினார்.

அவரின் இந்த அறிக்கைக்கு பதிலளிக்கும் விதமாக கைரியின் இந்தப் பதிவு வெளியிடப்பட்டிருந்தது.

நான் ஒன்றை தெளிவாகச் சொல்ல வேண்டும். நான் ஒருபோதும் அம்னோவை விட்டு வெளியேறவில்லை.

அம்னோ தான் என்னை நீக்கியது. உண்மையான உண்மைகளை ஒருபோதும் மாற்ற முயற்சிக்காதீர்கள் என்று அவர் கூறினார்.

- பார்த்திபன் நாகராஜன்