2026 முதல் மின்னியல் சிகரெட் விற்பனையை தடை செய்ய பேரா மாநில அரசு முடிவு: சிவநேசன்

ஈப்போ:

அடுத்தாண்டு ஜனவரி 1 முதல் பிரிவில்  அனைத்து வணிக வளாகங்களிலும் மின்னியல்  சிகரெட்டுகள் (வேப்ஸ்) விற்பனைக்கு பேரா மாநில அரசு தடை விதிக்கும்.

இன்று நடைபெற்ற மாநில அரசு கவுன்சில் கூட்டத்தில் இந்த முடிவு இறுதி செய்யப்பட்டதாக ஆட்சிக் குழு உறுப்பினர் ஏ. சிவநேசன் தெரிவித்தார்.

கடந்த வாரம் இக்கூட்டத்தில் மின்னியல்  சிகரெட் விற்பனை உரிமங்களைத் தடை செய்வது குறித்த முன்மொழியப்பட்ட கொள்கை அறிக்கையை வழங்கிய பிறகு இந்த முடிவு எடுக்கப்பட்டது.

மின்னியல் சிகரெட் ஆபத்துகளின் அச்சுறுத்தல் இருந்து மக்களின், குறிப்பாக இளைய தலைமுறையினரின் ஆரோக்கியத்திற்கான இந்த முடிவு எடுக்கபட்டது.

இந்த தயாரிப்பு எடுக்கப்பட்ட முடிவுக்கு இணங்குவதை உறுதி செய்வதற்காக, ஊராட்சி மன்றங்களின் மூலம் மாநில அரசு இந்த தயாரிப்பை விற்கும் எந்தவொரு வளாகத்தின் வணிக உரிமத்தையும் அங்கீகரிக்கவோ அல்லது புதுப்பிக்கவோ மாட்டாது என்று சிவனேசன் கூறினார்.

அடுத்த ஆண்டு ஜனவரி 1ஆம் தேதிக்கு முன் முழு தடை விதிக்கப்படுவதற்கு முன்பு அவற்றை முடிக்க இன்னும் கையிருப்பு அல்லது மின்னணு சிகரெட் தயாரிப்புகளை வைத்திருக்கும் அனைத்து வளாகங்களுக்கும் கால அவகாசம் வழங்கப்படும்.

இதுவரை ஜொகூர், கிளந்தான், திரெங்கானு, பெர்லிஸ், கெடா, பகாங் போன்ற மின்னியல்  சிகரெட்டுகளின் விற்பனைக்கான உரிமங்களை புதுப்பிக்காதது உட்பட ஆறு மாநிலங்கள் ஆரம்ப தடையை அமல்படுத்தியுள்ளன என்று அவர் கூறினார்.

- பார்த்திபன் நாகராஜன்