புற்றுநோயால் பாதிக்கப்படும் மக்களை பாதுகாக்க சிறப்பு காப்பீட்டுத் திட்டங்கள் அறிமுகப்படுத்த வேண்டும்: டத்தோ சிவக்குமார்

கோலாலம்பூர்:

புற்றுநோயால் பாதிக்கப்படும் மக்களை பாதுகாக்க புற்றுநோய்க்கான சிறப்பு காப்பீட்டுத் திட்டங்கள் அறிமுகப்படுத்த வேண்டும்.

மஹிமா தலைவர் டத்தோ ந. சிவக்குமார் இதனை வலியுறுத்தினார்.

மக்களின் சுமையை குறைக்கும் நோக்கில் அரசாங்கம் பூடி மடானி ரோன் 95 பெட்ரோல் திட்டத்தை அறிமுகம் செய்துள்ளது.

இதன் மூலம் மக்கள் ரோன் 95 பெட்ரோலை 1.99 ரிங்கிட்டிற்கு வாங்கலாம்.

 இது மலேசியர்களின் நலனில் அரசாங்கத்தின் அக்கறையை நிரூபிக்கிறது.

சுகாதார அமைப்பைப் பொறுத்தவரை, அமைதியான கொலையாளி என வகைப்படுத்தப்படும் புற்றுநோயை எதிர்கொள்ளும் நோயாளிகளின் எண்ணிக்கை அதிகரித்து வருகிறது.

மலேசியாவில் தோராயமாக 10 பேரில் 1 பேர் தங்கள் வாழ்நாளில் புற்றுநோயால் பாதிக்கப்படுவார்கள்.

ஆண்களுக்கு 10 பேரில் 1 பேரும், பெண்களுக்கு 9 பேரில் 1 பேரும் வாழ்நாள் முழுவதும் புற்றுநோயால் பாதிக்கப்படுவார்கள் என ஆய்வுகள் காட்டுகின்றன.

இது மிகவும் அதிர்ச்சியூட்டும், பயமுறுத்தும் விஷயமாகும்.

அனைத்து புற்றுநோய் நோயாளிகளுக்கும் புதிய நம்பிக்கையை அளிக்க பல முயற்சிகள் செயல்படுத்தப்பட்டுள்ளன என்பதை மறுக்க முடியாது.

உதாரணத்திற்கு தேசிய புற்றுநோய் பரிசோதனை திட்டம் மட்டுமே உள்ளது.

ஆனால் இது சுகாதார மலேசியா அமைச்சு போன்றவை தேசிய புற்றுநோய் கட்டுப்பாட்டு திட்டத்தின் கீழ் மலேசிய தேசிய புற்றுநோய் சங்கம் போன்ற அரசு சாரா நிறுவனங்களால் மேற்கொள்ளப்படும் புற்றுநோய்க்கான பல்வேறு பரிசோதனை, ஆரம்பகால கண்டறிதல் முயற்சிகளைக் குறிக்கிறது. 

மார்பக, கர்பப்பை, பெருங்குடல் புற்றுநோய் பரிசோதனை போன்ற பல்வேறு சோதனைகள் மூலம் சிகிச்சையின் வெற்றி விகிதத்தை அதிகரிக்க ஆரம்ப கட்டத்தில் புற்றுநோயைக் கண்டறிவதை இந்த திட்டம் நோக்கமாகக் கொண்டுள்ளது.

இந்த முயற்சி செயல்படுத்த நல்லது. மேலும் ஆரம்ப கட்டத்தில் கண்டறிய உதவுகிறது.

இருப்பினும் தங்கள் உயிரைத் தொடர புற்றுநோய் 4ஆவது நிலையை எட்டிய நோயாளிகளின் கதி என்ன? 

குறிப்பாக பி40 குழு, சிகிச்சை பெற சிரமப்படுகிறார்கள் என்பதையும், நிதிச் சுமையால் பாதிக்கப்பட்டதால், கீமோதெரபிக்கு உட்படுத்த முடியவில்லை.

ஆக புற்றுநோய் நோயாளிகளை எவ்வாறு காப்பாற்றுவது என்பது பற்றி யாரும் யோசித்ததில்லை.

அதன் அடிப்படையில் புற்றுநோயால் பாதிக்கப்படும் மக்களை பாதுகாக்க புற்றுநோய்க்கான காப்பீட்டுத் திட்டங்கள் அறிமுகப்படுத்த வேண்டும்.

குறைந்த செலவில் மைக்ரோ திட்டம், அடிப்படை பாதுகாப்பாக வடிவமைக்கப்பட்ட பாதுகாப்பு திட்டம், அதில் கீமோதெரபி சிகிச்சையை உள்ளடக்கியிருக்க வேண்டும் என்று நான் பரிந்துரைக்கிறேன்.

இது பொதுவாக இறப்பு, இயலாமை, விபத்து மற்றும் விபத்துகளுக்கான மருத்துவமனை பண தினசரி சிகிச்சைக்கான சலுகைகளை உள்ளடக்கியிருக்க வேண்டும்.

அதே வேளையில் மலேசியாவில் புற்றுநோய் நோயாளிகளின் எண்ணிக்கையைப் போலவே சிகிச்சை செலவுகளும் அதிகரித்து வருவதால், 

சிகிச்சை செலவுகளை வாங்க முடியாத மக்களுக்கு ஒரு திட்டத்தை அறிமுகப்படுத்த நாடாளுமன்ற உறுப்பினர்கள் இந்த விஷயத்தை நாடாளுமன்ற மட்டத்தில் விவாதிக்க வேண்டும் என்று டத்தோ சிவக்குமார் வலியுறுத்தினார்.

- பார்த்திபன் நாகராஜன்