அதிருப்திகளை வெளிப்படுத்த தேசிய முன்னணி உச்ச மன்றத்தை மஇகா பயன்படுத்த வேண்டும்: முஹம்மத் ஹசான்

சிரம்பான்:

அதிருப்திகளை வெளிப்படுத்ததேசிய முன்னணி உச்ச மன்றத்தை  மஇகா பயன்படுத்த வேண்டும்.

தேசிய முன்னணி துணைத் தலைவர் டத்தோஸ்ரீ முஹம்மத் ஹசான் இதனை வலியுறுத்தினார்.

கூட்டணி குறித்த எந்தவொரு கருத்தையும் தெரிவிக்க அல்லது அதிருப்தியை வெளிப்படுத்த தேசிய முன்னணி உச்ச மன்றத்தை ஒரு மன்றமாக மஇக் பயன்படுத்த வேண்டும்.

கட்சித் தலைமை உச்ச மன்றத்திற்கு வெளியே எந்தவொரு விஷயத்தையும் வெளிப்படுத்துவதன் மூலம் குறுக்குவழிகளை எடுக்கக்கூடாது. ஏனெனில் அது தவறாகப் புரிந்து கொள்ளப்படலாம்.

உங்களுக்கு ஏதேனும் விருப்பங்கள் இருந்தால் அவற்றை தேசிய முன்னணி உச்ச மன்றத்திடம் சமர்ப்பிக்கலாம்.

இது அம்னோ, மசீச, மஇகா உட்பட 14 பிற கட்சிகளின் கூட்டணிக் கட்சிகளுக்கான மன்றமாகும்.

நமது கருத்துக்களை தெரிவிக்க நாம் மிக உயர்ந்த சபையின் மன்றத்தைப் பயன்படுத்த வேண்டும். 

நாம் வெளியே பேசக்கூடாது, சில நேரங்களில் அது தவறாகப் புரிந்து கொள்ளப்படலாம் என்று அவர் கூறினார்.

- பார்த்திபன் நாகராஜன்