மஇகா, மசீச கட்சிகளுக்கான துவான் இப்ராஹிமின் அழைப்பு ஒரு பயனற்ற  முயற்சி: ஜாஹித்

புத்ராஜெயா:

மஇகா, மசீச கட்சிகளுக்கான துவான் இப்ராஹிமின் அழைப்பு ஒரு பயனற்ற  மீன் பிடிக்கும் முயற்சியாகும்.

தேசிய முன்னணி தலைவர் டத்தோஸ்ரீ ஜாஹித் ஹமிடி இவ்வாறு விவரித்தார்.

தேசியக் கூட்டணியில் மஇகா, மசீச கட்சிகளுக்கு பாஸ் விடுத்துள்ள அழைப்பு, தேசிய முன்னணி உறுப்பு கட்சிகளுக்கு எந்தப் பலனும் இல்லாமல் கவர்ந்திழுக்கும் முயற்சியாகும்.

இந்த அழைப்பு பாஸ் துணைத் தலைவர் டத்தோஸ்ரீ துவான் இப்ராஹிம் துவான் மானின் தனிப்பட்ட நிலைப்பாடு என நான் நம்புகிறேன்.

மேலும் தேசிய முன்னணியில்  உள்ள நண்பர்களை அவர்களுக்கு நன்மை பயக்கும் ஒரு வெளிப்பாட்டை உறுதியளிக்காத சலுகைகளை வழங்க அவர்கள் முயற்சிகள் மேற்கொள்வதை நான் அறிவேன்.

இன்று கிராமப்புற, வட்டார மேம்பாட்டு அமைச்சகத்தில் நடைபெற்ற மாதாந்திர கூட்டத்தில் கலந்து கொண்ட பிறகு அவர் இவ்வாறு கூறினார்.

பல மாநில மஇகா தேசிய முன்னணி  கூட்டணியை விட்டு வெளியேற வலியுறுத்தி தீர்மானம் நிறைவேற்றி உள்ளன.

ஆனால், இந்த விஷயம் தலைமை மட்டத்தில் அதிகாரப்பூர்வமாக விவாதிக்கப்படவில்லை.

இந்தத் தீர்மானம் ஒன்று அல்லது இரண்டு பிரிவுகளிடமிருந்து மட்டுமே வந்தது, 

அவர்களின் சொந்த உயர் தலைமை அதைப் பற்றி விவாதிக்கவில்லை.

மேலும் தேசிய முன்னணி உச்சமன்ற கூட்டத்திற்கு கொண்டு வருவதும் இதில் அடங்கும் என்று அவர் கூறினார்.

- பார்த்திபன் நாகராஜன்