சிங்கப்பூரில் Cathay Cineplexes திரையரங்கங்கள் அனைத்தும் மூடப்படுகின்றன

சிங்கப்பூர்:

Cathay Cineplexes திரையரங்கங்கள் அனைத்தையும் மூட முடிவெடுத்திருப்பதாக அதை நிர்வகிக்கும் mm2 Asia நிறுவனம் அறிவித்திருக்கிறது.

கடனில் சிக்கிக்கொண்ட Cathay Cineplexes தொடர்ந்து செயல்படுவது இனி சாத்தியமில்லை என்று mm2 Asia, சிங்கப்பூர்ப் பங்குச்சந்தைக்கு ஒப்படைத்த அறிக்கையில் கூறியது.

கடன் அளித்தவர்களுடன் ஒப்பந்தம் செய்துகொள்ள நிறுவனம் முயன்றது. ஆனால் முயற்சி பலனளிக்கவில்லை.

2025 நிதி ஆண்டில் Cathay Cineplexes 122.4 மில்லியன் வெள்ளியை இழந்தது.

கோவிட்-19 நோய்ப்பரவலுக்குப் பின்னர் திரையரங்கங்களுக்குச் செல்லும் மக்களின் எண்ணிக்கை குறைந்துவிட்டதால் Cathay Cineplexesற்கு நட்டம் ஏற்பட்டதாக mm2 Asiaவின் தலைவர் மெல்வின் ஆங் (Melvin Ang) கூறினார்.

3 ஆண்டுகளில் 6 திரையரங்குகள் மூடப்பட்டன. 4 மட்டுமே செயல்பட்டன.

வாடகையாகச் செலுத்தவேண்டிய மில்லியன்கணக்கான வெள்ளி இன்னும் செலுத்தப்படவில்லை.

- ரோஷித் அலி