ஆகஸ்ட் 24 அன்று காசாவிற்கான ஒற்றுமையின் வெண்கடலாக டத்தாரன் மெர்டேகாவில் 100,000 க்கும் மேற்பட்டோர் திரள்கிறார்கள்

கோலாலம்பூர்:

சுமுத் நுசந்தாரா கார்னிவல் 2025 இன் சிறப்பம்சமான "Malam Himpunan dan Selawat — Malaysiaku Bersama Gaza" க்காக நாடு முழுவதிலுமிருந்து 100,000 பங்கேற்பாளர்கள் இந்த ஞாயிற்றுக்கிழமை டத்தாரன் மெர்டேகாவில் கூடுவார்கள் என்று எதிர்பார்க்கப்படுகிறது.

இஸ்லாமிய அமைப்புகளின் மலேசிய ஆலோசனைக் குழு (மாபிம்), சின்டா காசா மலேசியா (சிஜிஎம்) இணைந்து ஏற்பாடு செய்த இந்நிகழ்ச்சி, பிரதமர் டத்தோஸ்ரீ அன்வார் இப்ராஹிமின் ஆதரவுடன், தகவல் தொடர்பு அமைச்சர் டத்தோ ஃபஹ்மி ஃபட்சில், பிரதமர் துறை அமைச்சர் டத்தோ நயீம் மொக்தார், டத்தோஸ்ரீ டாக்டர் ஜாலிஹா முஸ்தப  ஆகியோரின் ஆதரவுடன் நடைபெற்றது. 

கார்னிவல் இயக்குநரும் மாபிம் தலைமை நிர்வாக அதிகாரியுமான டத்தோ சானி அராபி, தேசிய மாத கொண்டாட்டத்துடன் இணைந்து  இந்த நிகழ்வு வருவதால் இந்தக் கூட்டம் மிகவும் அர்த்தமுள்ளதாக இருக்கிறது என்றார்.

“காசாவில் நடக்கும் போராட்டத்திற்கு மலேசிய ஒற்றுமையின் அடையாளமாக, டத்தாரான் மெர்டேகா வெள்ளைக் கடலாக மாற வேண்டும் என்று நாங்கள் விரும்புகிறோம்.

“நாம் சுதந்திரத்தைக் கொண்டாடும் வேளையில், காசா, பாலஸ்தீனத்தில் உள்ள நமது சகோதர சகோதரிகளின் துன்பங்களைப் பற்றி சிந்தித்து, சியோனிச நிறவெறி ஆட்சியிலிருந்து விடுபட அவர்களுக்கு உதவுவது ஒரு சுதந்திர தேசமாக நமக்கு அர்த்தமுள்ளதாக இருக்கிறது,” என்று அவர் இன்று ஓர் அறிக்கையில் கூறினார்.

இதற்கிடையில், CGM தலைமை நிர்வாக அதிகாரியும் சுமுத் நுசாந்தரா திட்ட இயக்குநருமான நாதிர் அல்-நூரி, இந்தக் கூட்டம் உலக அரங்கில் மலேசியாவின் ஒற்றுமைக் குரலை எதிரொலிக்கும் என்று கூறினார். 

- ஃபிதா