கிளப்புகளுக்கு இடையிலான நட்புமுறை ஆட்டம்: பார்சிலோனா வெற்றி

சியோல்:

கிளப்புகளுக்கு இடையிலான நட்புமுறை கால்பந்து போட்டியில் பார்சிலோனா அணியினர் வெற்றி பெற்றனர்.

சியோல் அரங்கில் நடைபெற்ற ஆட்டத்தில் பார்சிலோனா அணியினர் சியோல் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய பார்சிலோனா அணியினர் 7-3 என்ற கோல் கணக்கில் சியோல் அணியை வீழ்த்தி வெற்றி பெற்றனர்.

பார்சிலோனா அணிக்காக லெமானே யமால், பெரான் தோரஸ் தலா இரு கோல்களை அடித்தார்.

மற்ற கோல்களை ரோபர்ட் லெவண்டோஸ்கி, ஆண்ட்ரஸ், காவி ஆகியோர் அடித்தனர்.

மற்றொரு ஆட்டத்தில் ஏசிமிலான அணியினர் 9-0 என்ற கோல் கணக்கில் பெர்த் குளொரி அணியை வீழ்த்தி வெற்றி பெற்றனர்.

- பார்த்திபன் நாகராஜன்