ரஷ்யாவில் 8.8 ரிக்டர் அளவிலான நிலநடுக்கம்: பசிபிக் முழுவதும் சுனாமி எச்சரிக்கை

மோஸ்கோ:

ரஷ்யாவை 8.8 ரிக்டர் அளவிலான நிலநடுக்கம் தாக்கியதில் பசிபிக் முழுவதும் சுனாமி எச்சரிக்கை.

ரஷ்ய கம்சட்கா தீபகற்பத்திற்கு அருகிலுள்ள கடல் பகுதியில் அதிகாலையில் ஏற்பட்ட 8.8 ரிக்டர் அளவிலான நிலநடுக்கம், கிட்டத்தட்ட 73 ஆண்டுகளில் இப்பகுதியில் ஏற்பட்ட மிக வலிமையானது.

இதனால் ரஷ்யா, ஜப்பானின் சில பகுதிகளில் சுனாமி ஏற்பட்டது.

பசிபிக் பெருங்கடலை ஒட்டியுள்ள பெரும்பாலான நாடுகளில் வசிப்பவர்களுக்கு அதிகாரிகள் அவசர எச்சரிக்கைகளை விடுத்துள்ளதாக அனைத்துலக ஊடகங்கள் செய்தி வெளியிட்டுள்ளன.

ரஷ்ய அவசரகால மேலாண்மை அமைச்சகத்தின் கூற்றுப்படி,

குரில் தீவுகள் தீவுக்கூட்டத்தின் வடக்குப் பகுதியில் அமைந்துள்ள செவெரோ-குரில்ஸ்க் நகரம் வெள்ளத்தில் மூழ்கியுள்ளது.

சமூக ஊடகங்களில் பகிரப்பட்ட காட்சிகள், சுமார் 2.000 குடியிருப்பாளர்கள் வசிக்கும் நகரத்தில் உள்ள தெருக்களிலும் கட்டிடங்களிலும் வெள்ளம் பெருக்கெடுத்து ஓடுவதைக் காட்டுகிறது. அவர்கள் அவசரமாக வெளியேற்றப்பட்டனர்.

ஜப்பானில் இருந்து, நேரடி தொலைக்காட்சி ஒளிபரப்புகள், குறிப்பாக வடக்கு தீவான ஹொக்கைடோவில், சுமார் 30 செ.மீ உயரமான சுனாமி அலைகள் பதிவான நிலையில், வாகனங்களிலோ அல்லது கால்நடையாகவோ உயரமான இடங்களுக்கு தப்பிச் செல்வதைக் காட்டின.

அமெரிக்காவும் மக்களை வெளியேற்ற உத்தரவிட்டுள்ளது.

- பார்த்திபன் நாகராஜன்