இஸ்ரேலின் அத்துமீறிய நடவடிக்கைகளை ஏற்றுக்கொள்ள முடியாது: ஈரானுக்கு சீனா ஆதரவு

பெய்ஜிங்:

சீன வெளியுறவு அமைச்சர் வாங் யி (Wang Yi) இஸ்ரேலிய, ஈரானிய வெளியுறவு அமைச்சர்களுடன் தொலைபேசி வழி பேசியிருக்கிறார்.

உரையாடல்களின்போது அவர் ஈரானுக்குச் சீனாவின் ஆதரவை உறுதிப்படுத்தினார்.

இஸ்ரேலின் அத்துமீறிய நடவடிக்கைகளை ஏற்றுக்கொள்ள முடியாது என்று கூறிய அவர் அவை அனைத்துலக நடைமுறைகளை மீறுகின்றன என்று குறிப்பிட்டார்.

அரசுரிமையைப் பாதுகாக்கும் ஈரானின் நடவடிக்கைக்குச் சீனாவின் ஆதரவை உறுதிப்படுத்தினார்.

படைபலம் நீடித்த அமைதியை ஏற்படுத்தாது என்று கூறிய அவர் அரசதந்திர வழிகளால் மட்டுமே தீர்வு காண முடியும் என்றார்.

- ஆர்யன்