உலகக் கிண்ண தகுதி சுற்று ஆட்டம்: வேல்ஸ் அணியினர் சமநிலை

மகடோனியா:

உலகக் கிண்ண கால்பந்து போட்டியின் தகுதி சுற்று ஆட்டத்தில் வேல்ஸ் அணியினர் சமநிலை கண்டனர்.

தோஸ் புரோஸ்கி அரங்கில் நடைபெற்ற ஆட்டத்தில் வேல்ஸ் அணியினர் வட மகாடோனியா அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் வேல்ஸ் அணியினர் 1-1 என்ற கோல் கணக்கில் வட மகாடோனியா அணியுடன் சமநிலை கண்டனர்.

வேல்ஸ் அணியின் கோலை டேவிட் புரோக்ஸ் அடித்த வேளையில் வட மகாடோனியா அணியின் கோலை போஜன் மிவோஸ்கி அடித்தார்.

மற்றொரு ஆட்டத்தில் செக் குடியரசு அணியினர் 4-0 என்ற கோல் கணக்கில் ஜிப்ரால்தார் அணியை வீழ்த்தி வெற்றி பெற்றனர்.

மற்ற ஆட்டங்களில் நோர்வே, கஜகஸ்தான்,  எஸ்தானியோ ஆகிய அணிகள் வெற்றி பெற்றன.

- பார்த்திபன் நாகராஜன்