ஐரோப்பிய சாம்பியன் லீக்: லிவர்பூல் வெற்றி

பாரிஸ்:

ஐரோப்பிய சாம்பியன் லீக் கிண்ண கால்பந்து போட்டியில் லிவர்பூல் அணியினர்  வெற்றி பெற்றனர்.

பார்க் டி பிரின்ஸ் அரங்கில் நடைபெற்ற ஆட்டத்தில் லிவர்பூல் அணியினர் பிஎஸ்ஜி அணியை சந்தித்து விளையாடினர்.

இரு முன்னணி அணிகள் மோதியதால் மிகுந்த எதிர்பார்ப்புக்கு மத்தியில் ஆட்டம் தொடங்கியது.

இதில் சிறப்பான ஆட்டத்தை வெளிப்படுத்திய லிவர்பூல் அணியினர் 1-0 என்ற கோல் கணக்கில் பிஎஸ்ஜி அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோலை ஆட்டத்தின் 87ஆவது நிமிடத்தில் ஹார்வே எலியூட் அடித்தார்.

இரண்டாவது சுற்று ஆட்டத்தில் சொந்த அரங்கில் களமிறங்கும் லிவர்பூல் அணியினர் நிச்சயம் வெற்றி பெற்று அடுத்த சுற்றுக்கு முன்னேறுவார்கள் என எதிர்பார்க்கப்படுகிறது.

- பார்த்திபன் நாகராஜன்