லா லீகா கால்பந்து போட்டி: ரியல்மாட்ரிட் வெற்றி

மாட்ரிட்:

லா லீகா கால்பந்து போட்டியில் ரியல்மாட்ரிட் அணியினர்  வெற்றி பெற்றனர்.

சந்தியாகோ பார்னபவ் அரங்கில் நடைபெற்ற ஆட்டத்தில் ரியல்மாட்ரிட் அணியினர் ஜிரோனா அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய ரியல்மாட்ரிட் அணியினர் 2-0 என்ற கோல் கணக்கில் ஜிரோனா அணியை வீழ்த்தி வெற்றி பெற்றனர்.

ரியல்மாட்ரிட் அணியின் வெற்றி கோல்களை லுகா மோட்ரிச், வினிசியஸ் ஜூனியர் ஆகியோர் அடித்தனர்.

மற்றொரு ஆட்டத்தில் ரியல் சோஷிடாட் அணியினர் 3-0 என்ற கோல் கணக்கில் லெகானஸ் அனியை வீழ்த்தி வெற்றி பெற்றனர்.

ரியல் பெதிஸ் அணியினர் 2-1 என்ற கோல் கணக்கில் கெதாஃபி அணியை வீழ்த்தி வெற்றி பெற்றனர்.

- பார்த்திபன் நாகராஜன்