இங்கிலாந்து பிரிமியர் லீக்: லிவர்பூல் வெற்றி

லண்டன்:

இங்கிலாந்து பிரிமியர் லீக் கால்பந்து போட்டியில் லிவர்பூல் அணியினர் வெற்றி பெற்றனர்.

எதிஹாட் அரங்கில் நடைபெற்ற ஆட்டத்தில் லிவர்பூல் அணியினர் மென்செஸ்டர் சிட்டி அணியை சந்தித்து விளையாடினர்.

இரு முன்னணி அணிகள் மோதியதால் மிகுந்த எதிர்பார்ப்புக்கு மத்தியில் ஆட்டம் தொடங்கியது.

இதில் லிவர்பூல் அணியினர் 2-0 என்ற கோல் கணக்கில் மென்செஸ்டர் சிட்டி அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோல்களை முஹம்மத் சாலா, டோமினிக் ஆகியோர் அடித்தனர்.

சொந்த அரங்கில் களமிறங்கிய மென்செஸ்டர் சிட்டி அணியின் இந்த தோல்வி அதன் ரசிகர்களுக்கு ஏமாற்றத்தை அளித்துள்ளது.

மற்றொரு ஆட்டத்தில் நியூகாஸ்டல் அணியினர் 4-3 என்ற கோல் கணக்கில் நாட்டிங்ஹாம் போரஸ் அணியை வீழ்த்தி வெற்றி பெற்றனர்.

- பார்த்திபன் நாகராஜன்