ஐரோப்பா லீக் கிண்ணம்: ஏஎஸ் ரோமா முன்னேற்றம்

ரோம்:

ஐரோப்பா லீக் கிண்ண கால்பந்து போட்டியின் அடுத்த சுற்றுக்கு ஏஎஸ் ரோமா அணியினர் முன்னேறி உள்ளனர்.

ஒலிம்பிகோ அரங்கில் நடைபெற்ற ஆட்டத்தில் ஏஎஸ் ரோமா அணியினர் போர்தோ அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய ஏஎஸ் ரோமா அணியினர்   3-2 என்ற கோல் கணக்கில் போர்தோ அணியை வீழ்த்தி வெற்றி பெற்றனர்.

இரு ஆட்டங்களின் முடிவின் 4-3 என்ற கோல் கணக்கில் வெற்றி பெற்ற ஏஎஸ் ரோமா அணியினர் சுற்று 16க்கு முன்னேறினர்.

மற்றொரு ஆட்டத்தில் ரியல் சோஷிடாட் அணியினர் 7-3 என்ற மொத்த கோல் கணக்கில் மிட்ஜிலேண்ட் அணியை வீழ்த்தி வெற்றி பெற்றனர்.

மற்ற ஆட்டங்களில் அஜெக்ஸ் ஆம்ஸ்டர்டாம், விக்டோரியா பிளாசன் ஆகிய அணிகள் வெற்றி பெற்றன.

- பார்த்திபன் நாகராஜன்