ஐரோப்பிய சாம்பியன் லீக்: ரியல் மாட்ரிட் முன்னேற்றம்

மாட்ரிட்:

ஐரோப்பிய சாம்பியன் லீக் கிண்ண கால்பந்து போட்டியில் ரியல் மாட்ரிட் அணியினர் அடுத்த சுற்றுக்கு முன்னேறினர்.

சந்தியாகோ பார்னபவ் அரங்கில் நடைபெற்ற ஆட்டத்தில் ரியல் மாட்ரிட் அணியினர் மென்செஸ்டர் சிட்டி அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய ரியல்மாட்ரிட் அணியினர்  3-1 என்ற கோல் கணக்கில் மென்செஸ்டர் சிட்டி அணியை வீழ்த்தி வெற்றி பெற்றனர்.

ரியல்மாட்ரிட் அணிக்காக அதன் முன்னணி ஆட்டக்காரர் கிளையன் எம்பாப்பே ஹாட்ரிக் கோல்களை அடித்தார்.

இரு ஆட்டங்களின் முடிவில் ரியல்மாட்ரிட் அணியினர் 6-3 என்ற மொத்த கோல் கணக்கில் வெற்றி பெற்று சாம்பியன் லீக்கின் சுற்று 16க்கு முன்னேறினர்.

மற்றொரு ஆட்டத்தில் பிஎஸ்ஜி அணியினர் 10-0 என்ற மொத்த கோல் கணக்கில் பிரெஸ்ட் அணியை வீழ்த்தி அடுத்த சுற்றுக்கு முன்னேறினர்.

மற்ற ஆட்டங்களில் புரோசியா டோர்ட்மண்ட், பிஎஸ்வி எண்ட்ஓவன் ஆகிய அணிகள் வெற்றி பெற்றன.

- பார்த்திபன் நாகராஜன்