இங்கிலாந்து பிரிமியர் லீக்: லிவர்பூல் அபாரம்

லண்டன்:

இங்கிலாந்து பிரிமியர் லீக் கால்பந்து போட்டியில் லிவர்பூல் அணியினர்  அபார வெற்றியை பதிவு செய்தனர்.

லண்டன் அரங்கில் நடைபெற்ற ஆட்டத்தில் லிவர்பூல் அணியினர் வெஸ்ட்ஹாம் யுனைடெட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய லிவர்பூல் அணியினர் 5-0 என்ற கோல் கணக்கில் வெஸ்ட்ஹாம் யுனைடெட் அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோல்களை லூயிஸ் டியாஸ், கோடி காப்கோ, முகமத் சாலா, திரேண்ட் அலெக்ஸாண்டர், டியாகோ ஜோதா ஆகியோர் அடித்தனர்.

மற்றொரு ஆட்டத்தில் மென்செஸ்டர் சிட்டி அணியினர் 2-0 என்ற கோல் கணக்கில் லெய்செஸ்டர் சிட்டி அணியை வீழ்த்தி வெற்றி பெற்றனர்.

டோட்டன்ஹாம் அணியினர் 2-2 என்ற கோல் கணக்கில் வோல்வேர்ஹாம்டன் அணியுடன் சமநிலை கண்டனர்.

- பார்த்திபன் நாகராஜன்