15 வருட வாழ்க்கைக்குப் பின் தனது பாலினத்தை உணர்ந்த இளைஞன் 

ஜகார்தா: 

மேற்கு ஜாவாவில் உள்ள ஓர்  இளைஞன்,  15 ஆண்டுகளாக ஒரு பெண்ணாக வாழ்ந்த பிறகு தனக்கு ஆண் பிறப்புறுப்பு இருப்பதை அறிந்து அதிர்ச்சியடைந்ததாக செய்தி போர்டல் மஸ்ட் ஷேர் நியூஸ் நேற்று வெளியிட்டுள்ளது. 

டேப்  என அழைக்கப்படும்  இந்த இளைஞன் , பிறக்கும்போது  பெண்ணாக பிறந்ததாக  உறுதி செய்யப்பட்டார். தனது சிறுவயதிலிருந்தே , இவர் பாவாடை  , ஹிஜாப் போன்ற பெண்களின் ஆடைகளை அணிந்து வளர்ந்தார்.

ஆனால்,  தொடக்கப் பள்ளியில் கால்பந்து விளையாட்டில்  தீவிரமாக விளையாடும்போது , டேப்பின் செயலில் ஓர்  ஆணின் பாத்திரம் வெளிவரத் தொடங்கியதாக டேப்பின் தாய் கூறினார். 

அதோடு, டேப்பிற்கு  மாதவிடாய் வராதபோது ,  கவலைப்பட்டதாகவும் டேப்பின் தாய் கூறினார். 

இருப்பினும்,  டேப்பின் சகோதரியும்  15 வயதில் தான் மாதவிடாய் வந்ததால் அதனை ஒரு பொருட்டாக எடுத்துக் கொள்ளவில்லை என்றார். 

இந்நிலையில், திடீரென்று டேப்பிற்கு உடல் பரிசோதனை செய்த போது ,   டேப்பின்  பிறப்புறுப்பு  ஒரு ஆணின் பிறப்புறுப்பைப் போல இருப்பதைக் கண்டு அவரது தாய் அதிர்ச்சியடைந்தார். உடனே, பரிசோதனைக்காக  அவரை சுகாதார மையத்திற்கு  அழைத்துச் செல்லப்பட்டார். 

அப்பரிசோதனையின்  போது , டேப்பிற்கு ஆண் பிறப்புறுப்பு இருப்பதாகவும் , அவர் ஓர் ஆண் என்றும் மருத்துவர் உறுதி செய்தார் . 

-சாமூன்டீஸ்வரி &  மவித்திரன்