தெருக்களில் ரோந்து செல்லும் போலீஸ் ரோபோவின் காணொலி வைரல்

பெய்ஜிங்:

சீனாவில் செயற்கை நுண்ணறிவு தொழில்நுட்பத்துடன் கூடிய சக்கரம் வடிவிலான போலீஸ் ரோபோ தெருக்களில் ரோந்து செல்லும் காட்சிகள் சமூக வலைதளங்களில் பரவி வருகிறது.

இந்த ரோபோ கண்காணிப்பு வசதிக்காக பிரத்யேகமாக வடிவமைக்கப்பட்டுள்ளது.

குற்றவாளிகளைஹ் துரத்தவும், அவர்களைப் பிடிக்கவும் இந்த ரோபோ உதவுகின்றது.

நீரிலும், நிலத்திலும் தடையின்றி செயல்படும் வகையில் உருண்டை வடிவில் வடிவமைக்கப்பட்ட இந்த ரோபோ சுற்றுப்புறங்களை விழிப்புடன் கண்காணிக்கிறது.

ஒரு மணி நேரத்திற்கு 35 கிலோ மீட்டர் வேகத்தில் செல்லும் இந்த ரோபோவில் மேம்பட்ட சென்சார்களும் உள்ளன. 

இதன்மூலம் குற்றவாளிகளை அடையாளம் கண்டுபிடிக்கவும் முடியும்.

- அஸ்வினி செந்தாமரை