சீனா தைவான் எல்லைக்கு 14 போர் கப்பல்கள் 7 விமானங்களை அனுப்பியது

தைஃப்பே:
 

சீனாவின் உள்நாட்டுப் போர் முடிவுக்கு வந்ததை தொடர்ந்து பல்வேறு தீவுகளை உள்ளடக்கிய தைவான் தனி குடியரசு நாடாக பிரிந்தது. 

இதை ஏற்க மறுத்து தைவான் மீது சொந்தம் கொண்டாடும் சீனா அதனை தங்கள் கட்டுப்பாட்டில் கொண்டுவர முயற்சித்து வருகிறது. 

போர் கப்பல்கள், ராணுவ விமானங்களை தைவான் எல்லைக்கு அனுப்பி சீனா அச்சுறுத்தி வருகிறது.

கடந்த சனிக்கிழமை காலை 6 மணி முதல் ஞாயிற்றுக்கிழமை காலை 6 மணி வரையிலான 24 மணி நேரத்தில் தைவான் எல்லையில் சீனாவின் 14 போர் கப்பல்கள், 7 ராணுவ விமானங்கள் மற்றும் 4 பலூன்கள் சுற்றி வந்துள்ளன என்று  தைவான் பாதுகாப்பு அமைச்சகம் ஓர் அறிக்கையில் தெரிவித்தது. 

இதில் ஏற்கனவே 8 போர் கப்பல்கள் இருந்த நிலையில் அது தற்போது 14-ஆக அதிகரித்துள்ளது என தெரிவிக்கப்பட்டுள்ளது.

- அஸ்வினி செந்தாமரை