கணவன்- மனைவி சாலை விபத்தில் பலி: போதையில் இருந்த கார் ஓட்டுநர் கைது 

ஜொகூர் பாரு: 

ஜொகூர், பாசீர் கூடாங்கில் நிகழ்ந்த சாலை விபத்தில் கார் ஒன்று மோட்டார் சைக்கிளை மோதி தள்ளியது. 

இந்த சாலை விபத்தில் மோட்டார் சைக்கிளில் பயணம் செய்த கணவன் -மனைவி இருவரும் சம்பவம் நிகழ்ந்த இடத்திலேயே உயிரிழந்தனர். 

போதையில் இருந்த கார் ஓட்டுநர் காவல்துறையினரால் கைது செய்யப்பட்டதாக ஶ்ரீ அலாம் காவல்துறை தலைவர் முஹம்மத் சொஹைமி இஷாக் கூறினார் 

ஜாலான் பெசாரிலிருந்து பாசீர் கூடாங் நெடுஞ்சாலையை நோக்கி கார் சென்று கொண்டிருந்தபோது அங்கு இருந்த சமிஞ்சை விளக்கை மோதியது. அதே நேரத்தில் பயணத்தில் இருந்த மோட்டர் சைக்கிளையும் அந்த கார் மோதியது 

இதனால் 37 வயதுடைய மோட்டார் சைக்கிள் ஓட்டுநரும் 35 வயதுடைய அவரின் மனைவியும் பலத்த காயங்களுக்கு இலக்காகி சம்பவம் நிகழ்ந்த இடத்திலேயே உயிரிழந்தனர். 

இந்த சம்பவம் 1987ஆம் ஆண்டு சாலை போக்குவரத்து சட்டத்தின் செக்‌ஷன் 44(1)இன் கீழ் விசாரிக்கப்படுவதாக அவர் சொன்னார்

-மவித்திரன்