கே.எல்.ஐ.ஏ விமான நிலையத்தில் கைகலப்பு: காவல்துறை விசாரணை 

கோலாலம்பூர்: 

கோலாலம்பூர் அனைத்துலக விமான நிலைய ஊழியருக்கும் பயணி ஒருவருக்கும் இடையில் ஏற்பட்ட கைகலப்பு தொடர்பாக காவல்துறை விசாரணை மேற்கொண்டு வருவதாக கே.எல்.ஐ.ஏ காவல்துறை தலைவர் அஸ்மான் ஷாரிஆட் கூறினார். 

இருவருக்கும் இடையே ஏற்பட்ட கைகலப்பு தொடர்பான காணொலி சமூக ஊடகங்களில் வைரலானதைத் தொடர்ந்து காவல்துறையினர் இந்த சம்பவத்தை உறுதி செய்தனர். 

சிறு காயங்களுக்கு இலக்கான பாதிக்கப்பட்ட விமான நிலைய ஊழியர் அதே நாளில் காவல்துறையில் புகார் ஒன்றை அளித்ததாக அவர் சொன்னார். 

கருத்து வேறுபாடு காரணமாக இந்த கைகலப்பு சம்பவம் ஏற்பட்டிருக்கிறது என்று அவர் ஓர் அறிக்கையின் வாயிலாக தெரிவித்தார். 

வேண்டுமென்ற காயம் விளைவித்தல் குற்றத்தை வகைப்படுத்தும் குற்றவியல் சட்டம் செக்‌ஷன் 323 இன் கீழ் இந்த சம்பவம் விசாரணை செய்யப்படுகிறது. 

இந்நிலையில், கைகலப்பு தொடர்பான காணொலிகளைப் பொதுமக்கள் யாரும் பகிர வேண்டாம் என்று காவல்துறையினர் கேட்டுகொண்டனர்.

-மவித்திரன்