நஜிப்பிற்கு நீதி கிடைக்கக் கோரி மாபெரும் ஒன்றுகூடல் தலைநகரில் நடைபெறும்: டத்தோ கலைவாணர்

கோலாலம்பூர்:

முன்னாள் பிரதமர் டத்தோஶ்ரீ நஜிப்பிற்கு நீதி கிடைக்கக் கோரி மாபெரும் ஒன்றுக் கூடல் தலைநகரில் நடத்தப்படவுள்ளது.

நம்பிக்கை அரசு சாரா இயக்கத்தின் தலைவர் டத்தோ டாக்டர் கலைவாணர் இதனை கூறினார்.

நாட்டிற்கு தலைமையேற்ற மிகச் சிறந்த பிரதமர்களில் ஒருவராக டத்தோஶ்ரீ நஜிப் விளங்கி வருகிறார்.

அனைத்து இன மக்களுக்கும் அவர் மிகச் சிறந்த சேவையை வழங்கினார்.

குறிப்பாக இந்திய சமுதாயத்தை அதிகம் மரியாதை கொடுத்து அரவணைத்த பிரதமராக அவர் விளங்கினார்.

ஆனால் அவர் தற்போது சிறையில் அடைக்கப்பட்டுள்ளார் அவர் தொடர்பான வழக்குகளில் நாங்கள் தலையிட விரும்பவில்லை.

இந்நிலையில் மாட்சிமை தங்கிய மாமன்னர் அவருக்கு விதித்த தண்டனையை குறைத்ததுடன் வீட்டுக் காவலுக்கு அனுமதி வழங்கினார்.

ஆனால் தற்போதைய அரசாங்கம் அந்த வீட்டுக் காவலை மறைத்து விட்டது. ஆகவே இந்த விவகாரத்தில் நஜிப்பிற்கு நீதி கிடைக்க வேண்டும்.

இதன் அடிப்படையில் தான் இந்த ஒன்றுகூடல் ஏற்பாடு செய்யப்பட்டுள்ளது.

நஜிபால் பயன் பெற்றவர்கள் அதிகமானோர் நாட்டில் உள்ளனர். பலர் உயரிய பொறுப்பில் உள்ளனர்.

அவர்கள் அனைவரும் இந்த ஒன்றுகூடலில் கலந்து கொள்ள வேண்டும் என டத்தோ கலைவாணர் கேட்டுக் கொண்டார்.

- பார்த்திபன் நாகராஜன்