இந்தியாவில் நுழைகிறது 7-Eleven கடைகள்; இஷா அம்பானி திறக்க இருக்கிறார்

மும்பை:

இந்தியாவில் 7-Eleven சில்லறை வர்த்தகக் கடைகள் திறக்கப்படவுள்ளன.

ஆசியாவின் ஆகப் பெரும் செல்வந்தரான திரு. முகேஷ் அம்பானியின் நிறுவனக் குழுமமான Reliance, அந்தச் சில்லறை வர்த்தகக் கடைகளை இந்தியாவுக்குக் கொண்டுவரத் திட்டமிட்டுள்ளது.

உலகின் ஆகப் பிரபலமான கடைகளில் ஒன்றாக 7-Eleven கடைகள் திகழ்வதை குழுமத்தின் நிறுவனரும் திரு. முகேஷின் மகளுமான இஷா அம்பானி குறிப்பிட்டுள்ளார்.

முதல் கடை மும்பையின் புறநகர்ப் பகுதியில் திறக்கப்படும். அதையடுத்து, கூடிய விரைவில் மற்ற குடியிருப்பு வட்டாரங்கள், வர்த்தகப் பகுதிகள் ஆகியவற்றில் மேலும் பல சங்கிலித் தொடர் கடைகள் திறக்கப்படும் என்றார் திருமதி இஷா அம்பானி .

மக்களுக்கு, வீட்டுக்கு அருகிலேயே, தேவையான பொருள்கள் கிடைப்பதை உறுதிசெய்வதே எங்களின் நோக்கம் என்று அவர் கூறினார்.

- AFP