அயன் திரைப்படத்தின் மறுவெளியீடு : டிஎஸ்ஜி-யால் அதிர்ந்தது டிஎஸ்ஆர் திரையரங்கம்

ஷாஆலம்:

டிஎஸ்ஜி வெளியீடு செய்த அயன் திரைப்படத்தின் மறுவெளியீடு கோலாகலமாக நடந்தது.

இத்திரைப்படத்திற்கு ரசிகர்கள் வழங்கிய மகத்தான ஆதரவின் காரணமாக ஷாஆலம் TSR அரங்கம் அதிர்ந்தது.

2009-ஆம் ஆண்டு வெளியீடு கண்ட அயன் திரைப்படத்தைக் காலம்சென்ற கேவி ஆனந்த இயக்கியிருந்தார்.

சூரியா, தமன்னா பாத்தியா, பிரபு ஆகியோர் முதன்மை கதாபாத்திரத்தில் நடித்திருந்தார்கள்.

15 ஆண்டுகளுக்கு முன்பு வெளிவந்த இத்திரைப்படம் இன்னமும் ரசிகர்கள் மத்தியில் பேசப்படுகின்றது.

விறுவிறுப்பான திரைக்கதை, சூரியா - தமன்னா இணை, ஹரிஸ் ஜெயராஜ் இசை என ரசிகர்கள் மனதில் நிலையான இடத்தை அயன் திரைப்படம் பிடித்தது. 

23-ஆம் தேதி கொண்டாடப்படவிருக்கும் நடிகர் சூரியாவின் பிறந்தநாளை முன்னிட்டு இந்தத் திரைப்படம் மீண்டும் வெளியீடப்பட்டது.

இதனை DAK Evolution நிறுவனமும் மலேசிய சூரியா மன்றமும் கொண்டாடி தீர்த்தனர்.

230 சூரியா ரசிகர்களின் ஆரவாரத்துடன் டிஎஸ்ஜி இத்திரைப்படத்தம் அவர்கள் முழுமையாக கண்டு களித்தார்.

டிஜிட்டல் முறையில் ரீ மாஸ்டர் திரைப்படம் பெரிய திரையரங்கில் பார்ப்பது முழு மகிழ்ச்சியை தந்ததாக டிஎஸ்ஜி குறிப்பிட்டார்.

ஆதிக் ரவிச்சந்திரன் இயக்கிய மார்க் அந்தோனி மூலம் தமிழ் சினிமாவில் காலடி எடுத்து வைத்த டிஎஸ்ஜி, தற்போது தொடர்ந்து கோலிவுட் திரைப்படங்களில் நடித்து வருகின்றார்.

அதே தருணத்தில் மலேசியாவில் வெளிவரும் திரைப்படங்களுக்கும் உள்ளூர் கலைஞர்களின் படைப்புகளுக்கும் தோள் கொடுக்கின்றார் என்பது குறிப்பிடத்தக்கது.

- தயாளன் சண்முகம்