அனைத்துலக நட்புமுறை ஆட்டம்: நெதர்லாந்து அபாரம்

ரோட்டர்டாம்:

அனைத்துலக நட்புமுறை கால்பந்துப் போட்டியில் நெதர்லாந்து அணியினர் அபார வெற்றியை பதிவு செய்தனர்.

டீ குய்ப் அரங்கில் நடைபெற்ற ஆட்டத்தில் நெதர்லாந்து அணியினர் ஐஸ்லாந்து அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய நெதர்லாந்து அணியினர் 4-0 என்ற கோல் கணக்கில் ஐஸ்லாந்து அணியை வீழ்த்தி வெற்றி பெற்றனர்.

நெதர்லாந்து அணியின் வெற்றி கோல்களை ஷாவி சைமன்ஸ், வெர்ஜில் வான் டிஜ்க், டோன்யல், வேக்ஹோர்ஸ் ஆகியோர் அடித்தனர்.

மற்றோர் ஆட்டத்தில் போலந்து அணியினர் 2-1 என்ற கோல் கணக்கில் துருக்கி அணியை வீழ்த்தி வெற்றி பெற்றனர்.

செக் குடியரசு அணியினர் 2-1 என்ற கோல் கணக்கில் வட மகாடோனியா அணியை வீழ்த்தி வெற்றி பெற்றனர்.

- பார்த்திபன் நாகராஜன்