ஷங்கரின் இந்தியன் திரைப்படம் ரீ ரிலீஸ்: மலேசியாவில் FST OFFICIAL  வெளியீடு செய்தது 

கோலாலம்பூர்: 

பிரமாண்ட இயக்குநர் ஷங்கரின் இயக்கத்தில் உலகநாயகன் கமல்ஹாசன் நடிப்பில் உருவான இந்தியன் படம் 1996ஆம் ஆண்டு வெளியாகி மிகப்பெரிய வெற்றிப்படமாக அமைந்தது 

25 ஆண்டுகளுக்குப் பிறகு இந்தியன் படத்தின் முதல் பாகம் ரீ ரிலீஸ் செய்யப்பட்டுள்ளது. மலேசியாவில் FST OFFICIAL அதிகாரப்பூர்வமாக வெளியீடு செய்தது. 

ஊழலுக்கு எதிராக இந்தியன் தாத்தாவின் அதிரடியான ஆக்‌ஷன் படத்தின் பலம் என்றே சொல்லலாம். இந்தியன் 2 படம் அடுத்த மாதம் வெளியாகவுள்ள நிலையில் அதன் முதல் பாகம் மீண்டும் ரீ ரிலீஸ் செய்யப்பட்டுள்ளது. 

இந்த இந்தியன் படத்தில் கமல்ஹாசன், ஊர்மிலா, மனிஷா கொய்ரலா, சுகன்யா, கவுண்டமணி, செந்தில், நெடுமுடி வேணு, நிழல்கள் ரவி, அஜய் ரத்னம் மற்றும் பலர் நடித்துள்ளனர் 

இசைப்புயல் ஏ.ஆர்.ரஹ்மான் இசையமைத்துள்ளார். ஏ.எம். ரத்னம் தயாரித்திருந்தார். 

முன்னதாக, இந்தியன் படத்தின் சிறப்பு காட்சி பெட்டாலிங் ஜெயாவில் உள்ள LFS PJ STATE திரையரங்கில் நடைபெற்றது. இந்த சிறப்பு காட்சியில் தமிழ் ஊடகவியலாளர்கள் அனைவரும் கலந்து இந்தியன் படத்தைக் கண்டு ரசித்தனர். 

-மவித்திரன்