இஸ்லாத்தை கொச்சைப்படுத்தும் விதமான உணவு ரசீதில் பதிவு: சம்பந்தப்பட்ட பீட்சா உணவக நிர்வாகம் போலீசில் புகார் 

கோலாலம்பூர்: 

பிரபல முன்னணி துரித உணவான பீட்சா உணவகம் ஒன்றில் இயங்கலை வாயிலாக உணவு வாங்கிய பின் வழங்கப்படும் ரசீதில் இஸ்லாம் சமயம் இழிவுப்படுத்தும் வகையில் சில வாசகங்கள் இடம்பெற்றிருந்தது சமூக ஊடகங்களில் பெரும் வைரலானது. 

இதனால் சம்பந்தப்பட்ட உணவு நிர்வாகம் காவல்துறையில் புகார் செய்துள்ளது. 

பினாங்கு மாநிலத்தில் நிகழ்ந்த இந்த சம்பவத்தில் இஸ்லாம் சமயத்தைக் கொச்சைப்படுத்தும் வகையில் ஆங்கிலத்தில் அந்த வாசகங்கள் இடம்பெற்றிருந்தது. 

இந்த விவகாரமானது 3R ஐ உட்படுத்தியிருப்பதால் இதற்கு காரணமான நபரை உடனடியாக காவல்துறையினர் கைது செய்ய வேண்டும் என்று பாயான் லெபாஸ் சட்டமன்ற உறுப்பினர் அஸ்ருல் மஹாதீர் அஸிஸ் கூறினார். 

இந்நிலையில் காவல்துறை தரப்பும் இந்த சம்பவத்திற்கு எதிராக விசாரணை அறிக்கைகளைத் திறந்துள்ளது

-மவித்திரன்