ஒரே நாளில் 2.62 மில்லியன் வாகனங்கள் சாலைகளில் பயணம் செய்துள்ளன: டத்தோஸ்ரீ யுஸ்ரி ஹஸன் பஸ்ரி

கோலாலம்பூர்: 

புக்கிட் அமான் போக்குவரத்து புலனாய்வு, அமலாக்கத் துறை (JSPT) தீபாவளி விடுமுறையுடன் வரவிருக்கும் வார இறுதி நாட்களில் சுமூகமான போக்குவரத்தை உறுதி செய்வதற்காக நாடு முழுவதும் 2,752 அதிகாரிகளையும் பணியாளர்களையும் நியமித்துள்ளது.

தீபாவளி கொண்டாட்டங்கள் செவ்வாய் (அக். 29) புதன்கிழமை (அக். 30) இலவச டோல் கட்டணங்கள் வழங்கப்படுவதால் போக்குவரத்து நெரிசல் அதிகரித்துள்ளது என்று JSPT இயக்குனர் டத்தோஸ்ரீ யுஸ்ரி ஹஸன் பஸ்ரி தெரிவித்தார். 

நெடுஞ்சாலை சலுகையாளர்களின் தகவல்களின் அடிப்படையில், ஒரே நாளில் 2.62 மில்லியன் வாகனங்கள் சாலைகளில் பயணம் செய்துள்ளன.

நெடுஞ்சாலையில் நெரிசலைக் குறைக்க PLUS Bhd 21 ஸ்மார்ட் லேன் இடங்களையும் செயல்படுத்தும் என்று அவர் கூறினார். 

சிலாங்கூர், நெகிரி செம்பிலான், ஜோகூர், பேராக், பினாங்கு போன்ற மேற்குக் கடற்கரைப் பகுதிகளில் வாகன இயக்கம் குறிப்பிடத்தக்க அளவில் அதிகரிப்பதோடு, நாட்டின் கிழக்கு கடற்கரை, வடக்கு, தெற்கே கணிசமான போக்குவரத்து அதிகரித்துள்ளது.

அமலாக்கத்தைப் பொறுத்தவரை, எங்கள் கவனம், போக்குவரத்து ஓட்டத்தை நிர்வகித்தல் மற்றும் போக்குவரத்து விதிமுறைகளை மீறும் சாலையைப் பயன்படுத்துபவர்களுக்கு எதிராக நடவடிக்கை எடுப்பதாக இருக்கும் என்று அவர் விளக்கினார். 

அனைத்து சாலைப் பயனாளர்களுக்கும், குறிப்பாக கனரக அல்லது வணிக வாகன ஓட்டுநர்களுக்கும், தங்கள் வாகனங்கள் உகந்த நிலையில் இருப்பதை உறுதிசெய்யவும் அவர் கேட்டுக் கொண்டார்.

அனைத்து வாகன ஓட்டிகளும் தங்கள் பயணங்களைத் திட்டமிட ஊக்குவிக்கப்படுகிறார்கள். 

குறிப்பாக நீண்ட தூரப் பயணங்களுக்கு செல்பவர்கள் கூடுதல் விழிப்புடன் இருக்குமாறும்  அவர் கூறினார்.

- ஃபிதா