![image](https://imgs.nambikkai.com.my/bjp-99708.jpg)
செய்திகள் இந்தியா
ஒரே ஆண்டில் பாஜகவுக்கு மட்டும் ரூ.2,361 கோடி வருவாய்
புது டெல்லி:
கடந்த ஆண்டில் 6 தேசியக் கட்சிகள் மொத்த சுமார் ரூ.3,077 கோடி வருவாய் ஈட்டியுள்ளன. இதில் தேர்தல் நன்கொடை பத்திரங்கள் சேர்க்கப்படவில்லை. இதில் பாஜகவுக்கு மட்டும் ரூ.2,361 கோடி வருவாய் ஈட்டியுள்ளது என ஜனநாயக சீர்திருத்தங்களுக்கான சங்கம் (ஏடிஆர்) தெரிவித்துள்ளது.
கட்சி நன்கொடை, வங்கி வட்டி, சந்தா உள்ளிட்ட வழிமுறைகளில் கிடைக்கப் பெற்ற வருவாய் குறித்து பாஜக, காங்கிரஸ், பகுஜன் சமாஜ், ஆம் ஆத்மி, தேசிய மக்கள் கட்சி, மார்க்சிஸ்ட் கம்யூனிஸ்ட் ஆகிய தேசிய கட்சிகள் தேர்தல் ஆணையத்திடம் சமர்ப்பித்துள்ளன.
அதில், கடந்த 2021-22 ஆண்டைவிட பாஜகவின் வருவாய் சுமார் ரூ.443 கோடி அதிகரித்து அடுத்த ஆண்டு ரூ.2,361கோடியாக உயர்ந்துள்ளது. அதில், ரூ.1,361 கோடியை மட்டுமே பாஜக செலவிட்டுள்ளது.
காங்கிரஸ், மார்க்சிஸ்ட், பகுஜன் வருவாய் குறைவு: அடுத்த இடத்தில் உள்ள காங்கிரஸின் வருவாய் சுமார் ரூ.452 கோடியாகும். முந்தைய நிதியாண்டை ஒப்பிடுகையில், காங்கிரஸின் வருவாய் 16 சதவீதம் (ரூ.88.90 கோடி) குறைந்துள்ளது.
மார்க்சிஸ்ட் கம்யூனிஸ்ட் கட்சியின் மொத்த வருவாய் ரூ.142 கோடி. இதில் ரூ.106 கோடி செலவிடப்பட்டுள்ளது. மாயாவதியின் பகுஜன் சமாஜ் கட்சியின் வருவாய் ரூ.29 கோடி. இதில் செலவிடப்பட்ட தொகை ரூ.18 கோடி .
அரவிந்த் கேஜரிவாலின் ஆம் ஆத்மி கட்சிக்கு 2022}23 காலகட்டத்தில் ரூ.85.17 கோடி வருவாய் கிடைக்கப் பெற்றுள்ளது. இது முந்தைய நிதியாண்டை காட்டிலும் 91 சதவீதம் (ரூ.40 கோடி) அதிகமாகும். அதேநேரம், ஆம் ஆத்மி செலவிட்ட தொகை ரூ.102 கோடி.
- ஆர்யன்
தொடர்புடைய செய்திகள்
July 26, 2024, 6:05 pm
புவனேஸ்வர் ரயில் நிலையம் அருகே சரக்கு ரயில் தடம் புரண்டது
July 25, 2024, 10:15 pm
நீட் தேர்வுக்கு எதிராக மேற்கு வங்க பேரவையில் தீர்மானம்
July 24, 2024, 5:33 pm
இந்தியா கூட்டணியினர் நாடாளுமன்றத்தில் ஆர்ப்பாட்டம்
July 24, 2024, 12:47 pm
நிபா வைரஸ் பரவல்: பொது முடக்கம் அறிவிப்பு
July 23, 2024, 5:24 pm
CROWDSTRIKE நிறுவனத்திற்கு ரூ.75,000 கோடி இழப்பு
July 23, 2024, 5:15 pm
காவடி ஊர்வலம் செல்லும் பாதை கடைகளில் உரிமையாளர் பெயர் எழுதும் உத்தரவுக்கு தடை
July 23, 2024, 4:52 pm
இந்தியாவில் அதிகரித்து வரும் உடல் பருமன் நோய்
July 23, 2024, 4:17 pm
ஆர்எஸ்எஸ் பயிற்சிகளில் அரசு அதிகாரிகள் பங்கேற்க இருந்த தடை 58 ஆண்டுகளுக்கு பிறகு நீக்கம்
July 23, 2024, 3:40 pm