சென்னை உட்பட நான்கு மாவட்டங்களுக்கு நாளை பொது விடுமுறை: மாநில அரசு அறிவிப்பு

சென்னை:

கனமழை காரணமாக சென்னை, திருவள்ளூர், காஞ்சிபுரம், செங்கல்பட்டு ஆகிய 4 மாவட்டங்களுக்கும் நாளை பொது விடுமுறை அறிவிக்கப்பட்டுள்ளது.

‘மிக்ஜாம்’ புயல் காரணமாக சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் அதிகனமழை மற்றும் பலத்த காற்றுவீசக்கூடும்.

இந்தப் புயல் நாளை காலை கரையைக் கடக்கவுள்ளது என சென்னை வானிலை மையம் எச்சரிக்கை கொடுத்துள்ளது.

சென்னை, செங்கல்பட்டு,காஞ்சிபுரம், ராணிப்பேட்டை மாவட்டங்களில் கனமழை பெய்யவுள்ளது.

எனவே, இந்த 4 மாவட்டங்களுக்கும் நாளை பொது விடுமுறை அறிவிக்கப்பட்டுள்ளது.

- அஸ்வினி செந்தாமரை