அன்பு இல்ல பிள்ளைகளுடன் தீபாவளி கொண்டாட்டம்; அன்பைப் பகிர்ந்து, அழகிய நினைவுகளை உருவாக்குவோம்: பிரகாஷ்

கோத்தா கமுனிங்:

தீபாவளியை முன்னிட்டு, கோத்தா கமுனிங் சட்டமன்ற உறுப்பினர் பிரகாஷ் ஜம்புநாதன் அன்பு இல்லம் ஒன்றில் பராமரிக்கப்பட்டு வரும் சிறார்களுடன் மகிழ்ச்சியான நேரத்தைச் செலவிட்டார்.

இந்த நிகழ்ச்சியின் ஒரு பகுதியாக, சிறுவர்கள் தீபாவளிப் பண்டிகையை மகிழ்ச்சியுடன் கொண்டாடும் வகையில், அவர்களுக்குப் புதிய ஆடைகள் வாங்கித் தந்தார்

மேலும் அனைவரும் ஒன்றாகக் கடல் உணவு உணவகத்தில் இரவு உணவருந்தி மகிழ்ந்தனர்.

சிறார்களுடன் கலந்துரையாடி, அவர்களின் அனுபவங்களையும் கதைகளையும் கேட்டறிந்து, அன்பையும் மகிழ்ச்சியையும் பகிர்ந்து கொண்டதுடன், தீபாவளி அன்பளிப்பாகப் பணமும் வழங்கினார்.

மேலும் சில நேரங்களில், நாம் வழங்கும் அன்பளிப்பின் மதிப்பைவிட, அவர்களுடன் செலவிடும் நேரமும், காட்டும் அக்கறையும், பகிர்ந்துகொள்ளும் அன்புமே மிகவும் மதிப்புமிக்கதாக அமைகின்றன என்று அவர் கூறினார்.

இந்த அர்த்தமுள்ள நிகழ்ச்சி சிறப்பாக நடைபெற அன்பான வரவேற்பையும் ஆதரவையும் வழங்கிய Raaji Silk Palace நிறுவனத்திற்கு எங்களது மனமார்ந்த நன்றியைத் தெரிவித்துக்கொள்கிறோம்.

மேலும், உள்ளூர் வணிகர்களிடமிருந்து ஆடைகளை வாங்குவதும், உள்ளூர் உணவகத்தில் உணவருந்துவதும் நமது சமூகத்தைச் சேர்ந்த வணிகர்களுக்கு ஆதரவளிக்கும் ஒரு முயற்சியாகும்.

இந்தத் தீபாவளி அனைவரது இல்லங்களிலும் மகிழ்ச்சி, அன்பு, நம்பிக்கை மற்றும் இனிய நினைவுகளை நிறைத்திடட்டும்.

அனைவருக்கும் இனிய தீபாவளி நல்வாழ்த்துகள் என்று பிரகாஷ் கூறினார்.

- பார்த்திபன் நாகராஜன்