மானியமில்லாத ரோன் 97, ரோன் 95 லிட்டருக்கு 30 சென் குறைந்தது: டீசல் லிட்டருக்கு 10 சென் குறைந்தது

புத்ராஜெயா:

மானியமில்லாத ரோன் 97, ரோன் 95  ஆகியவற்றின் சில்லறை விலைகள் ஒவ்வொன்றும் லிட்டருக்கு 30 சென் குறைந்துள்ளன.

அதே நேரத்தில் மானியமில்லாத டீசலின் சில்லறை விலை நாளை முதல் அக்டோபர் 28 வரை லிட்டருக்கு 10 சென் குறைந்துள்ளது.

ரோன் 97-இன் சில்லறை விலை ஒரு லிட்டருக்கு 4.80 ரிங்மிட், ரோன் 95 4.32 ரிங்கிட், டீசல் 5.07 ரிங்கிட் ஆகும்.

பிரென்ட் கச்சா எண்ணெயின் விலை ஒரு பேரலுக்கு 408.20 ரிங்கிட்டுக்கு மேல் இருந்தபோதிலும், தானியங்கி விலை நிர்ணய முறை  கணக்கீட்டுக் காலத்தில் பிராந்திய சந்தையில் சுத்திகரிக்கப்பட்ட பெட்ரோலியப் பொருட்களின் விலை மிதமாகக் குறையத் தொடங்கியது என்று நிதியமைச்சு ஒரு அறிக்கையில் தெரிவித்துள்ளது.

சீனாவிலிருந்து விநியோகம் அதிகரிக்கும் என்ற எதிர்பார்ப்புகளாலும், மற்ற ஆசிய நாடுகளில் இருந்து தொடர்ச்சியான உற்பத்தியின் ஆதரவாலும் இந்த விலை வீழ்ச்சி ஏற்பட்டது என்று அந்த அறிக்கை கூறியது.

- பார்த்திபன் நாகராஜன்