AMERICAN FOOTBALL போட்டி தொடக்கத்தின் போது நடந்த துயரம்: ராணுவ சாகச பயிற்சியின் போது நிலைத்தடுமாறி இராணுவ வீரர் கீழே விழுந்து பலி 

டெக்சாஸ்: 

டெக்சாஸ் மாகாணத்தில் உள்ள புகழ்பெற்ற அலாமோடோம் விளையாட்டு மைதானத்தில் அமெரிக்கன் ஃபுட்போல் போட்டிக்கு முன்னதாக இந்த சோக சம்பவம் நிகழ்ந்துள்ளது.

யுடி சான் அன்டனியோ மற்றும் நேவி அணிகளுக்கு இடையேயான இந்த போட்டி, முப்படை வீரர்களைப் பெருமைப்படுத்தும் வகையில் மிகச் சிறப்பாக ஏற்பாடு செய்யப்பட்டிருந்தது.

சுமார் 170 அடி உயரமான ஸ்டேடியத்தின் மேற்கூரையில் இருந்து கயிறு மூலம் கீழே இறங்கும் சோதனையின் போது ராணுவ வீரர் ஒருவர் நிலைதடுமாறி கீழே விழுந்தார்.

ராணுவ சீருடையில் இருந்த அந்த வீரர் மைதானத்தை நோக்கி வேகமாக இறங்கி வரும் வேளையில் இந்த எதிர்பாராத விபத்து நேரிட்டது.

திடீரென நிகழ்ந்த இந்த கோர விபத்தால் அங்கிருந்த அனைவரும் என்ன செய்வது என்று தெரியாமல் அதிர்ச்சியடைந்தனர்.

உடனடியாக மருத்துவக் குழுவினர் சம்பவ இடத்திற்கு விரைந்து வந்து பல நிமிடங்கள் போராடி அவருக்கு முதலுதவி அளித்தனர்.

அதன் பிறகு படுகாயமடைந்த அந்த வீரர் உடனடியாக ஒரு மருத்துவமனைக்கு அவசரமாக அழைத்துச் செல்லப்பட்டார்.

மருத்துவமனையில் தீவிர சிகிச்சை அளிக்கப்பட்ட போதிலும் அந்த வீரரின் உயிர் பிரிந்தது. 

இந்த விபத்து எப்படி நேர்ந்தது என்பது குறித்து உரிய அதிகாரிகள் தரப்பில் விரிவான விசாரணைக்கு உத்தரவிடப்பட்டுள்ளது.

-மவித்திரன்