மலாக்கா மாநில தேர்தல்; தேசிய முன்னணி 21 வேட்பாளர்களை அக்டோபர் 28ஆம் தேதி அறிவிக்கும்: அப்துல் ரவுஃப்

மலாக்கா:

தேசிய முன்னணி மலாக்கா மாநிலத் தேர்தலில் போட்டியிடும் 21 வேட்பாளர்களையும் அக்டோபர் 28ஆம் தேதி அறிவிக்கும்.

மலாக்கா மாநில தேசிய முன்னணி தலைவர் டத்தோஸ்ரீ அப்துல் ரவுஃப் யூசோ கூறினார்.

தங்கா பத்து நாடாளுமன்றத் தொகுதியில் உள்ள நான்கு மாநில சட்டமன்றத் தொகுதிகளில் ஒன்றான சுங்கை உடாங் பாயா, பாயா ரம்புட், சுங்கை உடாங், கிளேபாங், பாண்டாய் குண்டோர் ஆகியவற்றைத் தவிர, அம்னோ, தேசிய முன்னணிக்கு மீண்டும் இலக்காகியுள்ளது என்று கூறினார்.

நாங்கள் இந்த மாதத்தின் 28ஆம் தேதி வேட்பாளர்களை அறிவிப்போம். அப்போது எங்களிடம் உள்ள இடங்களின் எண்ணிக்கை 21 ஆகவே இருக்கும்.

எங்களால் முடிந்தவரை அதிக இடங்களை வெல்வதை இலக்காகக் கொண்டுள்ளோம் என்று அவர் கூறினார்.

கூட்டணிக் கட்சிகளிடையே தொகுதிப் பரிமாற்றங்கள் நடைபெற வாய்ப்புள்ளதா என்பது குறித்து கருத்து தெரிவித்த அப் ரவுஃப், வேட்பாளர் அறிவிப்பு நாளன்றுதான் அது தெரியவரும் என்றார்.

காத்திருங்கள், நான் அதை அன்றைய தினம் அறிவிப்பேன். இப்போது அறிவிக்க எதுவும் இல்லை.

அதுவே நமது ஆச்சரியமாக இருக்கட்டும், என்று அவர் கூறினார்.

- பார்த்திபன் நாகராஜன்