தாமான் ஶ்ரீ மூடா குடியிருப்பாளர்களின் வழக்கு: மாநில சட்ட ஆலோசகரின் பார்வைக்கு மந்திரி பெசார் காத்திருப்பு 

ஷா ஆலாம்: 

வெள்ளம் தொடர்பாக தாமான் ஶ்ரீ மூடா குடியிருப்பாளர்களுக்கு உயர்நீதிமன்றம் அளித்த சாதகமான தீர்ப்பைத் தொடர்ந்து மாநில சட்ட ஆலோசகரின் கருத்துகளைச் சிலாங்கூர் மாநில அரசு பெறும் 

சிலாங்கூர் மாநில மந்திரி பெசார் டத்தோஶ்ரீ அமிருடின் ஷாரி கூறினார். இந்த தீர்ப்பினைத் தொடர்ந்து  அடுத்த கட்ட சட்ட நடவடிக்கைகளையும், மேல்முறையீடு செய்வதற்கான சாத்தியக்கூறுகளையும் அரசு தீவிரமாக ஆராய்ந்து வருகிறது.

இது உயர் நீதிமன்றத்தின் ஆரம்ப கட்ட தீர்ப்பு மட்டுமே என்பதால், முறையான நியாயத்தை வழங்க மேல்முறையீடு செய்ய இன்னும் அவகாசம் உள்ளது. 2021 பெரும் வெள்ளத்திற்குப் பிறகு, மாநில அரசு மேற்கொண்ட தணிப்பு நடவடிக்கைகளால் இப்பகுதியில் வெள்ள நிலைமை சாதகமாக மேம்பட்டுள்ளது.

கடந்த ஐந்து ஆண்டுகளில் இப்பகுதியில் வெள்ள பாதிப்புகள் மிகக் குறைந்த அளவாகவே பதிவாகியுள்ளன. கிள்ளான் நதியை ஆழப்படுத்தும் 'dredging' பணிகள் அங்கு மிகவும் துரிதமாக மேற்கொள்ளப்பட்டுள்ளன.

இந்த ஆழப்படுத்தும் பணிகளுக்குப் பிறகு கிள்ளான் நதியின் நீரைத் தாங்கும் திறன் 20 சதவீதம் அதிகரித்துள்ளது. இதன் காரணமாக ஸ்ரீ முடா மற்றும் ஜாலான் கெபுன் பகுதிகளில் முந்தைய ஆண்டுகளைப் போன்ற கடுமையான வெள்ளப் பெருக்கு இப்போது ஏற்படுவதில்லை.

பம்ப் மற்றும் நீர் வாரம் கதவுகளின் மேலாண்மை முறைகளும் இப்பகுதிகளில் தற்காலத்தில் மேம்படுத்தப்பட்டுள்ளன. கிள்ளான் நதியை ஆழப்படுத்தும் திட்டத்திற்காக மாநில அரசு இதுவரை 30 முதல் 40 மில்லியன் ரிங்கிட் வரை செலவிட்டுள்ளது.

இந்த நதியை ஆழப்படுத்தும் பணிகள் எந்தவித தாமதமின்றி திட்டமிட்ட அட்டவணையின்படி தொடர்ந்து நடந்து வருகின்றன.

-மவித்திரன்