நெகிரி செம்பிலான் தேர்தல்; பாஸ் ஆதரவாளர்கள் தேசிய முன்னணிக்கு வாக்களிக்க வேண்டும்: ஹாடி அவாங்

சிரம்பான்:

நெகிரி செம்பிலான் மாநிலத் தேர்தலில் தேசிய முன்னணி போட்டியிடும் தொகுதிகளில், அக் கட்சியின் வேட்பாளர்களுக்கு பாஸ் ஆதரவாளர்கள் வாக்களிக்க வேண்டும்.

பாஸ் கட்சியின் தலைவர் டான்ஸ்ரீ அப்துல் ஹாடி அவாங் இதனை அறிவுறுத்தினார்.

பாஸ், தேசிய முன்னணி இடையேயான புரிதல் உண்மையாகவே ஏற்படுவதை உறுதி செய்வதற்காகவே இந்த அறிவுறுத்தல்.

இந்த ஒத்துழைப்பு உண்மையாகவே நிகழும் என்று நாங்கள் நம்புகிறோம்.

எனவே, தேசியக் கூட்டணி தேர்தல் கேந்திரம் தேசிய முன்னணிக்காக உழைக்க வேண்டும்.

தேசிய முன்னணிக்கு வாக்களிக்க வேண்டும் என்ற எனது அழைப்பை மீண்டும் விடுக்கிறேன்.

பாஸ், வவாசான் கட்சி வேட்பாளர்கள் போட்டியிடும் தொகுதிகளும் தேசிய முன்னணி அவ்வாறு  செயல்பட வேண்டும்.
அப்போதுதான் அவர்கள் வெற்றி பெற முடியும். இதுவாகத்தான் இருக்க வேண்டும்.

இதுவே எனது அறிவுறுத்தல் என்று ஹாடி கூறினார்.

- பார்த்திபன் நாகராஜன்